"Një vend i posaçëm"

Në kryeqytetin çeçen, Grosny para pak ditësh është hapur xhamija më e madhe në Evropë. Ajo mban emrin e presidentit çeçen të vrarë në vitin 2004 në një atentat terrorist dhe babait të presidentit aktual, Ramsan Kadyrov. Ester Hartbrich informon

Natën, e ndriçuar nga prozhektorë halogenë ajo duket impresionuese, xhamia e re e Grosnit me një kupolë të madhe dhe katër minare. Aty ka vend për 10.000 besimtarë dhe me këtë hapësirë, xhamia e Grosnit është xhamia më e madhe në Evropë. Valid Kurajev, imami i parë i xhamisë është i entuziazmuar.

"Një xhami kaq të madhe nuk ka pasur më parë. Të gjithë myslimanëve i është bërë një dhuratë e mrekullueshme. Ky ëhstë një sinjal shumë, shumë i rëndësishëm."

Presidenti çeçen, Ramsan Kadyrov 31 vjeç, mysliman besimtar ishte ai që inicioi projektin e xhamisë superlative dhe dhuroi para nga fondi i Kadirovit. Deri më tani nuk dihet se sa ka kushtuar xhamia. Ecurinë e punimeve madje e ka ndjekur personalisht vetë presidenti.

Presidenti çeçen, Kadyrov:

"Kam qenë ditën dhe natën këtu. Ky është thjesht një vend i mrekullueshëm."

Xhamia në qendër të kryeqytetit Grosni ka marrë emrin e babait të vrarë të Ramsan Kadyrovit, Ahmedit. Ai u vra në vitin 2004 në një atentat. Vetë qendra shpritërore e myslimanëve u ngrit në një kohë prej dy vjetësh. Në truallin, i shtrirë sa për 20 sheshe futbolli, është vendosur edhe administrata e xhamisë, biblioteka, është hapur një hotel, madje edhe një konvikt studentësh. Kjo xhami është e para, që është ngritur në Kaukazin verior, pas asaj të vitit 1930. Inxhinerë me pervojë ndërtimi u thirrën nga Turqia. Vasha Çashçanov, drejtor i qendrës për edukimin fetar-shpirtëror, u tregon vizitorëve me shumë entuziazëm ambientet e brendshme:

"Kupola e xhamisë është e zezë. Si guri në Mekën e shenjtë. Ky është një simbol për mësimin e shenjtë. Dhe atje tej ndodhet kupola e gjelbër e llampës të kujton qytetin Medina, ku është varrosur profeti Muhamed."

Xhaminë e re të Grosnit e ka vizitur edhe kryeministri rus, Vladimir Putin. Para pak ditësh ai vizitoi Çeçeninë për t'u informuar për pasojat e tërmetit në vend. Putin u shpreh se jo vetëm çeçenët, por të myslimanët e Rusisë mund të jenë krenarë për këtë xhami të re.

Dhe më tej:

"Nuk është rastësi dhe mendoj se është e drejtë që hapja e moshesë të fillojë me një konferencë ndërkombëtare.Nën titullin "Islami- feja e paqes". Ky është një mesazh pozitiv që dërgohet prej saj që islami është një fe që kërkon paqen dhe marrëdhënie të mira me besimet e tjera. Për ne rusët kjo është mjaft e rëndësishme."

Në Rusi jetojnë rreth 20 myslimanë, kjo do të thotë rreth 15% e popullsisë. Veçanërisht në Kaukazin verior ka gjithnjë konflikte me radikalët islamikë, të cilët duan të instalojnë shtetin fetar.