NATO nuk do të tolerojë dhunë në Kosovë | Ballkani | DW | 21.10.2006
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Ballkani

NATO nuk do të tolerojë dhunë në Kosovë

Në Kosovë qëndruan për vizitë 40 gjeneral nga komiteti i lartë i Aleancës Veriatlantike. Kjo vizitë u realizua për të demonstruar vendosmërinë e Aleancës për ruajtjen e paqes dhe stabilitetit sidomos në këtë fazë të zgjidhjes së statusit të Kosovës. Gjeneralët e NATO-s, thanë se ata dëshirojnë që zgjidhja e statusit të Kosovës të gjendet brenda vitit 2006

Gjen. Giuseppe Valotto i jep komandën e KFOR-it . Gjen. Roland Kather, Prishtinë, 1 shtator 2006

Gjen. Giuseppe Valotto i jep komandën e KFOR-it . Gjen. Roland Kather, Prishtinë, 1 shtator 2006

40 gjeneralë nga komiteti ushtarak i Aleancës Veriatlantike, siguruan qytetarët e Kosovës se trupat e NATO-s, nuk do të tolerojnë asnjë lloj dhune në Kosovë sidomos në këtë fazë të zgjidhjes së statusit. Trupat e KFOR-it do të mbesin të përkushtuara që në Kosovë të krijojnë paqe dhe siguri për të gjithë qytetarët pa dallim përkatësie etnike.

Këtë qëndrim e shprehu në Prishtinë, gjatë një vizite udhëheqësi i
komitetit ushtarak të NATO-os, gjenerali Thomas Baptista, i shoqëruar nga 40 gjeneralë të vendeve anëtare të NATO-s. "Ndërmjetësi ndërkombëtar, Marti Ahtisari ka mandat që të dërgojë propozimin e tij për statusin e Kosovës para grupit të kontaktit deri në fund të këtij viti. Mbi këtë bazë edhe është duke u punuar. Ndërsa, nga aspekti ushtarak unë mund të sigurojë se trupat e KFOR-it do të mbesin të përkushtuara për krijimin e paqes dhe stabilietit. Referendumi për kushtetutën e
Serbisë dhe zgjedhjet e atjeshme nuk do të kenë ndikim në përpjekjet e komunitetit ndërkombëtar për arritjen e marrëveshjes për zgjidhjen e statusit të Kosovës,"
tha gjenerali Baptista.

Ne dëshirojmë që zgjidhja e statusit të Kosovës të gjendet brenda vitit 2006, sepse ky është një afat i përcaktuar nga grupi i kontaktit por, është në duar të ndërmjetësit ndërkombëtar Marti Ahtisari që të bëjë propozimin e tij për zgjidhjen e statusit të Kosovës dhe pastaj është grupi i kontaktit, mekanizmi që përcakton përfundimin e procesit, tha gjenerali Baptista.

Ai tha se zgjidhja e statusit të Kosovës nuk do të ketë ndikim të madh në angazhimin e forcave paqerujatëse për garantimin e paqes në Kosovë. Forcat paqeruajtëse sipas tij, do të qëndrojnë në Kosovë jo vetëm tash por edhe pas zgjidhjes së statusit. Se çfarë do të jetë saktësisht misioni i KFOR-it dhe numri i trupave, pas statusit udhëheqësi i komitetit ushtarak të NATO-os, gjenerali Thomas Baptista, nuk ishte në gjendje ta thotë sepse për këtë tha ai, vendosin strukturat politike të NATO-s.

  • Data 21.10.2006
  • Autor Bekim Shehu
  • Shtypni Shtypeni faqen
  • Permalink https://p.dw.com/p/Arbo
  • Data 21.10.2006
  • Autor Bekim Shehu
  • Shtypni Shtypeni faqen
  • Permalink https://p.dw.com/p/Arbo
Reklamë