Në Ukrainë vazhdojnë protestat kundër presidentit Jushçenko | Bota | DW | 05.04.2007
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Bota

Në Ukrainë vazhdojnë protestat kundër presidentit Jushçenko

Ithtarë të qeverisë ukrainase vazhduan sot demonstratat e tyre kundër presidentit Viktor Jushçenko (Viktor Juschtschenko).

Demostrata në Kiev

Demostrata në Kiev

Para parlamentit në Kiev u tubuan rreth 2 000 njerëz për të protestuar kundër vendimit të Jushçenkos (Juschtschenko) për shpërndarjen e parlamentit dhe shpalljen e zgjedhjeve të parakohshme.


Ithtarët e Janukoviçit (Janokowitsch) qëndruan edhe gjatë natës në rrugë për të mbështetur kryeministrin dhe parlamentin. Ashtu si në kohën e revolucionit të portokalltë Mejdani, 'Sheshi i Pavarësisë' është vendi ku tubohen demonstruesit. Më parë ishin revolucionarët e portokalltë ata që vinin këtu, tani vendin e tyre e kanë zënë ithtarë me flamuj kaltër-verdhë dhe aleatët e tyre.

'Kjo është shkelje e ligjit, përdhunim i kushtetutës, legjislacionit të Ukrainës. Nuk duhet apeluar në moral kur përdoren metoda antikushtetuese'.

Kështu shprehet kryetari i parlamentit Aleksandër Moros (Alexander Moros). Partia e tij socialiste së bashku me Partinë komuniste dhe bllokun e Janukoviçit (Janokowitsch) në gusht të vitit të kaluar u futën në koalicion. Një pjesë e madhe e elektoratit për këtë arsye i quajtën tradhtarë. Në zgjedhjet e reja socialistët dhe komunsitët me siguri që për këtë shkak do të humbasin një numër të madh të votave. Një arsye e fortë kjo për të shpërndarë parlamentin. Kryetari i Partisë Komuniste, Ptjor Simonenko:

'Ne jemi të gatshëm që të futemi në një grevë të përgjithshme në krejt Ukrainën. Transporti do të ndërprehet, ndërrmarrjet do të ndërprejnë punën, ne i themi jo këtij regjimi', tha Simonenko.

Kjo grevë pritet të organizohet me 11 prill. Se a do të ftohen gjakërat deri atëherë është e vëhstirë të thuhet. Të mërkurën demonstruesit bllokuan pallatin presidencial. Ata kërcënuan se do të bllokojnë edhe rrugët kryesore të kryeqytetit. Ithtarët e Janukoviçit (Janokowitsch) nga pjesëtë tjera të vendit po arrijnë me autobuzë dhe trena në kryeqytet.

'Po udhëtojmë për në Kiev për të mbrojtur kushtetutën e Ukrainës, për të mbrojtur Ukrainën nga ekspansioni i Natos. Ne do të qëndrojmë atje për aq kohë sa Gjykata e Lartë Kushtetuese të ketë marrë vednimin e drejtë për këtë çështje'.

Megjithatë Gjykata e Lartë Kushtetuese deri tani nuk ka sqaruar se a do të filloj të mirret me vendimin për shpërndarjen e parlamentit. Kryetari i kësaj gjykate pat paralajmëruar se do të jap dorëheqje ditën e mërkurë. Kjo nuk është pranuar nga kolegët e tij. Pastaj ai njoftoi se është i sëmurë për tu kthyer sërish në detyrë. Aktualisht nuk mund të parashikohet se si do të veprojnë 18 gjyqtarët e Gjykatës Kushtetuese. Përgjegjësia është e madhe. Përfundimisht nuk bëhet fjalë vetëm për një çështje të ndjeshme juridike por për një luftë të ashpër për pushtet rrjedha e së cilës për momentin është e paparashikueshme.

  • Data 05.04.2007
  • Autor Hermann Krause
  • Shtypni Shtypeni faqen
  • Permalink https://p.dw.com/p/ArJ1
  • Data 05.04.2007
  • Autor Hermann Krause
  • Shtypni Shtypeni faqen
  • Permalink https://p.dw.com/p/ArJ1
Reklamë