Në Kosovë mirëpriten deklaratat e Bushit | Ballkani | DW | 11.06.2007
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Ballkani

Në Kosovë mirëpriten deklaratat e Bushit

Udhëheqësit politik kosovarë, thonë se deklarata e presidentit Bush për pavarësinë e Kosovës në fakt shënon shpalljen e pavarësisë së Kosovës

Bushi në Vatikan

Bushi në Vatikan

Shqiptarët e Kosovës asnjëherë nuk e kanë humbur besimin tek partnerët perëndimorë veçanërisht tek SHBA-së dhe pritjet e tyre për Kosovën e pavarur po bëhen realitet. Kështu e komentojnë udhëheqësit politik kosovar deklaratën e presidentit të SHBA-së, George Bush, i cili tha se Kosova shumë shpejtë do të jetë një vend i pavarur. Pas kësaj deklarate të buzëqeshur dhe të sigurt në vetvete, udhëheqësit politik të Kosovës në orët e pasditës së diel ndiheshin të cliruar nga nervozizmi që i kaploi një ditë më parë kur presidenti francez Nikola Sarkozi, propozoi shtyrje të procesit të zgjidhjes së statusit edhe për gjashtë muaj.

Presidenti i Kosovës, Fatmir Sejdiu, thotë se Kosova do të vazhdojë të punojë ngusht me partnerët perendimorë ndërsa pavarësia e Kosovës sipas tij, do të ofrojë perspëktivë për të gjitha qytetarët e saj pa dallim përkatësie etnike.

Kryeministri i Kosovës, Agim Ceku, nga ana e tij, ditën e dielë e konsideron si shpallje të pavarësisë së Kosovës nga presidenti, George Bush.

Anëtari tjetër i grupit negociator të Kosovës, Hashim Thaqi, thotë se presidenti Bush konfirmoi pavarësinë e Kosovës dhe kjo tregon sipas tij që populli i Kosovës po gëzon frytet e sakrifices së tij.

Vizita e presidentit të SHBA-së, George Bush në Shqipëri, është përcjellur me një vëmendje të jashtzakonshme në Kosovë. Të gjitha mediumet elektronike drejpërdrejt transmetonin këtë vizitë, ndërsa mesazhet e tij për pavarësinë e Kosovës dhënë
të konferencën për shtyp Tiranë patën jehonë të fuqishme.

  • Data 11.06.2007
  • Autor Bekim Shehu
  • Shtypni Shtypeni faqen
  • Permalink https://p.dw.com/p/ArUQ
  • Data 11.06.2007
  • Autor Bekim Shehu
  • Shtypni Shtypeni faqen
  • Permalink https://p.dw.com/p/ArUQ
Reklamë