Në çështjen e Darfurit, bashkësia ndërkombëtare akoma nuk po gjen një gjuhë të përbashkët | Bota | DW | 02.02.2005
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Bota

Në çështjen e Darfurit, bashkësia ndërkombëtare akoma nuk po gjen një gjuhë të përbashkët

Koflikti në Darfur pas katastrofës në Azinë Juglindore kaloi në plan të dytë të mediave ndërkombëtare. Megjithatë krimet e vrasjet në Sudanin perëndimor vazhdojnë. Këtë e bëri të ditur edhe një Komision i Kombeve të Bashkuara. Aktet e dhunës, tortura përdhunimet bastisjet dhe vrasjet ndaj civilëve vazhdojnë. Nocioni "gjenocid" megjithatë nuk shfaqet në këtë raport. Shtojmë këtu se është ndezur edhe debati mbi kompetencat e gjyqeve

Fotoja e vitit 2004, zgjedhur nga UNICEF. Një fëmi dhe nëna e tij, të dëbuar nga milicët arabë

Fotoja e vitit 2004, zgjedhur nga UNICEF. Një fëmi dhe nëna e tij, të dëbuar nga milicët arabë

Konflikti në rajonin e Darfurit në perëndim të Sudanit,filloi me kryengritjen e dy grupeve militantësh afrikanë kundër qeverisë. Qeveria përdori kundër tyre milicët arabë, që kryen vrasje duke kaluar nga njëri fshat në tjetrin. Rreth dy milionë vetë në Darfur u detyruan të brakstisin shtëpitë. 70.000 vetë kanë vdekur nga uria dhe sëmundjet. Megjithëse tema e Darfurit nuk është më në qendër të mediave ndërkombëtare prej disa javësh dhuna atje vazhdon. Madje edhe ndërhyrja e 700 ushtarëve të Unionit Afrikan (AU) nuk solli ndonjë ndryshim të situatës, as furnizimet me urgjencë për popullatën. Në fund të janarit në një sulm ajror në rajonin perëndimor sudanez u vranë përafërsisht 100 vetë. Organizatat për të drejtat e njeriut ka vënë alarmin; Vrasjet, dëbimet, përdhunimet janë në rend të ditës, situata në Darfur jo vetëm që nuk ka përmirësim, por madje është keqësuar. Askush nuk është përgjigjur deri më tani.
Problem kryesor është gjetja e gjuhës së përbashkët të bashkësisë ndërkombëtare në çështjet e Sudanit. Në nivelin e OKB-së nga njëra anë Kofi Anan, i cili rregulisht paralajmëron, por që është gati i pafuqishëm kundrejt ndezjes së interesave kombëtare. Komisioni i emëruar prej tij bën fjalë për dhunë të vazhdueshme e krime në rajon, por nuk flet për gjenocid. Sigurisht nuk është e lehtë të dëshmosh gjenocidin. Sipas rregulloreve të OKB-së duhet që të dëshmohet që në Sudanin perëndimor po kryhen krime - me qëllim që shfarosjes së plotë apo të pjesshme të një etnie, të një komuniteti fetar, nacional, apo të një race. Thënë ndryshe, viktimat vriten, dhunohen sepse i përkasin një populli apo komuniteti fetar të caktuar. Konflikti në Darfur nuk përputhet drejpërdrejt me këtë përcaktim. Nga ana e Komisionit të OKB-së u tha se ka elementë të gjenocidit, një zgjidhje diplomatike kjo, sepse nëse do të flitej për gjenocid, atëherë Kombet e Bashkuara do të ishin të detyruara të ndërhynin. Është e pamundur që të dërgohen trupa të OKB-së në Darfur, kjo sepse nuk do të miratohej nga Këshilli i Sigurimit. Kina dhe Rusia do të vinin veton për shkak të interesit të naftës në Sudan, pas të cilave qëndron qeveria në Kartum. Aktualisht debatohet në Kombet e Bashkuara, se para cilit gjyq duhet të dalin vrasësit dhe ndihmësit e tyre. Po qe se do të dëgjohej Kofi Anan, kjo do të ishte kompetencë e Gjykatës Ndërkombëtare të Hagës. Ky propozim bllokohet nga SHBA, sepse ato nuk e njohin këtë Gjykatë, për shkak zë frikës se aty duhet të dalin ndoshta njëherë vetë amerikanët. Uashingtoni përpiqet të gjejë një zgjidhje tjetër. Krijimin e një gjykatë të posaçme për Darfurin sipas modelit të Ruandës. Duke patur parasysh, se në Darfur përditë vdesin njerëz, interesat e naftës janë vërtet tejet cinike. Një gjë është e qartë që t'i jepet fund krizës në Darfur, duhet një gjuhë e përbashkët e bashkësisë ndërkombëtare.

  • Data 02.02.2005
  • Autor Klaus Dahman
  • Shtypni Shtypeni faqen
  • Permalink https://p.dw.com/p/ArQl
  • Data 02.02.2005
  • Autor Klaus Dahman
  • Shtypni Shtypeni faqen
  • Permalink https://p.dw.com/p/ArQl
Reklamë