Merkel telefonon me Koshtunicën | Ballkani | DW | 09.05.2007
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Ballkani

Merkel telefonon me Koshtunicën

Qeveria gjermane u bën thirrje serbëve të krijojnë një qeveri proevropiane deri më datën 15 maj

Koshtunica dhe Merkel në Berlin (15 maj 2006)

Koshtunica dhe Merkel në Berlin (15 maj 2006)

Kancelarja gjermane Angela Merkel ka telefonuar të mërkurën në mesditë me kryeministrin serb Vojislav Kostunica, tha zëdhënësi i qeverisë gjermane, Ulrich
Wilhelm, në konferencën e rregullt të shtypit në përgjigje të pyetjes së programit shqip të Deutsche Welles:

"Nga njëra anë ajo ka shprehur shqetësimin e saj për zgjedhjen e Zotit Nikoliq si kryetar të kuvendit të Serbisë, dhe në anën tjetër ajo ka paralajmëruar vetë urgjentisht që të shfrytëzohet afati i shkurtër që ka mbetur për krijimin e një qeverie demokratike, për të ruajtur perspektivën evropiane të vendit", tha Vilhelm të ërkurën në Berlin.

Zëdhënësi i qeverisë nuk iu përgjigj pyetjes se a i pat dhënë Koshtunica kryetares së radhës së BE-së, Angela Merkel, ndonjë sinjal për krijimin e qeverisë serbe, deri më 15 maj, ashtu siç e parashikon kushtetuta serbe.

Qeveria gjermane kishte reaguar të mërkurën paradite edhe me një deklaratë për media, të cilën e lexoi në konferencën e shtypit zëdhënësi i ministrisë së jashtme gjermane, Martin Jaeger: "Kryesia e BE-së apelon tek të gjitha partitë reformatore në Beograd që ta shfrytëzojnë afatin e paraparë nga kushtetuta deri më 15 maj, për të krijuar një qeveri demokratike të mazhorancës, që e ripërtërin orientimin evropian të politikës së Serbisë", thuhej mes të tjerash në deklaratë.

  • Data 09.05.2007
  • Autor Anila Shuka
  • Shtypni Shtypeni faqen
  • Permalink https://p.dw.com/p/ArVu
  • Data 09.05.2007
  • Autor Anila Shuka
  • Shtypni Shtypeni faqen
  • Permalink https://p.dw.com/p/ArVu
Reklamë