Më në fund buxheti miratohet | Ballkani | DW | 23.12.2006
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Ballkani

Më në fund buxheti miratohet

Parlamenti i Kosovës pas debateve të gjata arrin të miratojë buxhetin për vitin 2007 pa ndërhyrjen e UNMIK-ut. Buxheti për vitin 2007 do të jetë 716 milion euro.

Parlamenti, Prishtinë

Parlamenti, Prishtinë

Pas debateve të ashpra ndërmjet pozitës dhe opozitës, kosovare rreth çështjes së miratimit të buxhetit të konsoliduar të Kosovës, më në fund buxheti u miratua. Buxheti për vitin 2007, do të jetë 716 milionë euro. Kryeministri i Kosovës, Agim Çeku, pati akuzuar opozitën kosovare se qëllimisht po e përdor çështjen e buxhetit si mjet për rrëzimin e qeverisë, ndërsa, sipas tij, mosmiratimi i buxhetit do të lë pa rroga punonjësit kosovarë qysh më muajin Janar. Ndërkohë përfaqësues të opozitës kanë hedhur poshtë konstatimin e kryeministrit, Agim Çeku.

Në seancën e shkuar, në mungesë kuorumi të nevojshëm të deputëtëve të pranishëm në sallë, nuk arriti që të miratohej buxheti. Në seancën e sotme, serish munguan deputetët e partisë më të madhe opozitare, PDK-së, mirëpo, koalicioni qeveritar kërkojë që të votohet për buxhetin.

Megjithë debatet e ashpra ndërmjet pozitës dhe opozitës buxheti i konsoliduar i Kosovës, për vitin 2007 konsiderohet i miratuar. Përfaqësuesit e koalicionit qeveritar, këtë e cilësojnë si një sukses të parlamentit, për faktin që institucioni më i lartë në vend pa ndihmën e UNMIK-ut, arriti të miratojë buxhetin. Këtë sukses ata e bazojnë në faktin që në rast të mosmiratimit të buxhetit nga ana e parlamentit të Kosovës, është dashur që buxheti të miratohet nga shefi i UNMIK-ut, Joakim Rycker, sepse këtë e lejon rezoluta 1244 me të cilën akoma administrohet Kosova.




  • Data 23.12.2006
  • Autor Bekim Shehu
  • Shtypni Shtypeni faqen
  • Permalink https://p.dw.com/p/Ara8
  • Data 23.12.2006
  • Autor Bekim Shehu
  • Shtypni Shtypeni faqen
  • Permalink https://p.dw.com/p/Ara8
Reklamë