Löw nderohet me kryqin federal për merita
7 Tetor 2010Reklamë
Trajneri i kombëtares gjermane të futbollit Joachim Löw u nderua me kryqin federal të meritave. Ai e mori nderimin më të madh shtetëror në Berlin prej presidentit Christian Wulff për meritat e tij të veçanta gjatë kampionatit botëror të futbollit. Veç tij morën edhe 23 lojtarë të kombëtares gjermane gjethen e argjendtë të dafinës. Ekipi gjerman doli i treti në Kampionatin Botëror në Afrikën e Jugut dhe ngjalli eufori në Gjermani me lojën e vet.
Të premten ekipi kombëtar gjerman ndeshet në Berlin në orën 20:45 me ekipin kombëtar turk për kualifikim në kampionatin Evropian.
Autor: dpa/Elert Ajazaj
Redaktoi: Angjelina Verbica