Kur dhe si do të kthehen refugjatët kosovarë nga Gjermania?

Gjermania ka planifikuar që të dëbojë në Kosovë rreth 14.000 refugjatë nga Kosova, shkruan gazeta "Süddeutsche Zeitung". Pritet që për këtë punë të nënshkruhet marrëveshja përkatëse me autoritetet e Kosovës. Në Ministrinë e Brendshme Gjermane thuhet se në Kosovë tensionet ndëretnike kanë rënë dukshëm dhe siguria e të kthyerve nuk rrezikohet.

Qeveria e Kosovës konfirmon se në fund të këtij viti, apo në fillim të vitit të ardhshëm, do të nënshkruhet marrëveshje me Gjermaninë për kthimin e mijëra refugjatëve kosovar. Ministria e Punës dhe Mirëqenies Sociale, thotë se kthimi i mijëra refugjatëve do të jetë një barrë e rëndë për Kosovën duke marrë parasysh gjendjen ekonomike dhe sociale në vend

Autor: Selma Filipoviq/Bekim Shehu

Redaktoi: Bahri Cani