Joachim Rücker: Përjashtohet plotësisht ndarja e Kosovës
28 Gusht 2006Gazeta Handelsblatt boton bisedën me kyeadministratorin në detyre të OKB-së për Kosovën, Joachim Rücker, i cili ka ngritur akuza të rënda ndaj palës serbe.
"Hardlajnerët në Beograd duhet të pushojnë të pengojnë serbet e Kosovës në integrimin politik dhe ekonomike" i tha gazetes Handelsblatt Joachim Rücker, i cili me 1 shtator merr detyren e administratorit të OKB-së në Kosovë. Mungesen e integrimit të pakicës serbe ai e cilësoi si një nga problemet më të mëdha, për të cilën nuk janë pergjegjës vetëm shqiptaret e Kosovës. Dora e shtrirë duhet kapur.
Rücker kundërshtoi shqetësimet se pas vendimit për statusin përfundimtar politik të Kosovës mund të shpërthente dhuna. "Kjo më duket e pamundur. Institucionet janë tashmë stabël. Establishmenti politik e ka kuptuar, se dhuna nuk sjell asgjë. Ai është më i pjekur se më parë. Eshtë krejtësisht e pamundur që bashkësia e shteteve të lejojë ndarjen e Kosovës. Meqenëse nuk ka kthim në gjendjen e para vitit 1999 apo bashkim të Kosovës me ndonjë vend fqinj secili mund ta bëjë llogarinë se si do të jetë zgjidhja në fund tha Rücker për gazetën Handelsblatt.