Ivica Raçan ishte evropian i madh | Ballkani | DW | 02.05.2007
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Ballkani

Ivica Raçan ishte evropian i madh

Në praninë e kreut më të lartë shtetëror, shumë burrështetasve dhe mijëra qytetarëve, në Zagreb të Kroacisë u mbajt sot tubimi komemorativ me rastin e vdekjes së ish - kryeministrit, Ivica Raçan. Ndër mysafirët e shumtë ishte edhe ish - kancelari gjerman Gerhard Shrëder. Raçan vdiq të dielën, nga pasojat e kancerit.

Ivica Raçan ne zgjedhjet e fundit

Ivica Raçan ne zgjedhjet e fundit

Ivica Raçan ishte një ndër luftëtarët më të denjë për vlerat bashkëkohore: lirinë, drejtësinë dhe demokracinë. Kështu u shpreh presidenti kroat Stjepan Mesiq në tubimin komemorativ të zhvilluar në Zagreb. "Ivica Raçan ishte njeri i guximshëm. Ishte lutëtar, vizionar, reformator dhe një prej atyre që gjithmonë ishin në krye të lëvizjeve të shoqërisë kroate. Dëshira e tij ishte krijimi i një Kroacie demokratike dhe futja e saj në Evropë. Ivica Raçan vdiq, por idetë e tija mbeten gjallë", theksoi presidenti Mesiq, duke shtuar se Kroacia do të vazhdojë angazhimet për realizimin e plotë të këtyre ideve.
Në seancën komemorative foli edhe ish - presidenti i Sllovenisë, Milan Kuçan. Në radhë të parë Kuçan theksoi guximin e Raçanit, i cili së bashku me deputetët sllovenë, në vitin 1990 lëshoi Kongresin e Lidhjes Komuniste të Jugosllavisë, ku dominuan forcat serbe. Kuçan tha se Ivica Raçan ka shënuar një periudhë shumë të rëndësishme të politikës kroate, në rrugën e përbashkët drejt Evropës. Ndërsa ish - kancelari gjerman Gerhard Shrëder u shpreh se Raçan ishte një burrështetas i madh dhe njeri i bindur në vlerat evropiane.
"Sot i themi lamtumirën e fundit Ivica Raçanit, një burrështetasi të madh, një socialdemokrati dhe patrioti të madh. Vdekja e tij është humbje e madhe, jo vetëm për ne që jemi këtu dhe për popullin kroat, por për tërë Evropën. Me humbjen e Ivica Raçanit, kemi humbur një evropian të bindur", theksoi ish - kancelari gjerman duke shtuar se Racan ishte një ndër arkitektët kryesor të një Kroacie moderne, të një Kroacie paqësore dhe stabile.
Sipas amanetit të të ndjerit, dita dhe koha e varrimit të Raçanit nuk do të bëhen të ditur.


  • Data 02.05.2007
  • Autor Bahri Cani
  • Shtypni Shtypeni faqen
  • Permalink https://p.dw.com/p/ArW4
  • Data 02.05.2007
  • Autor Bahri Cani
  • Shtypni Shtypeni faqen
  • Permalink https://p.dw.com/p/ArW4
Reklamë