Goditje e hidhur nga Detroidi për presidentin Bush | Politika | DW | 18.08.2006
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Politika

Goditje e hidhur nga Detroidi për presidentin Bush

Pesë vjet pas akteve terroriste të 11 shtatorit qeveria amerikane i kishte lejuar Shërbimit Sekret Amerikan NSA që të përgjonte edhe pa vendim gjykate bisedat telefonike mes SHBA-ve dhe botës së jashtme, në rast se dyshohej se një prej bashkëbiseduesve mund të kishte lidhje me ndonjë organizatë terroriste

Pajisje përgjimi

Pajisje përgjimi

Kundër këtij ligji ngritën padi disa organizata për të drejtat e njeriut si dhe disa gazetarë. Gjykata e Detroidit në shtetin e Miçiganit u dha atyre të drejtë. Duke arsyetuar vendimin gjykatësja tha, se ky program bie ndesh me të drejtën e lirisë së shprehjes së fjalës si dhe me mbrojtjen e sferës private.

Ministria e Drejtësisë e SHBA-ve u ankua menjëherë ndaj këtij vendimi duke e kaluar çështjen në instancën e dytë. Ministri i Drejtësisë, Alberto Gonzales tha: "Ne e dimë prej drejtuesve të shërbimeve sekrete, se ky program është shumë i efektshëm për përpjekjet tona për ta mbrojtur Amerikën prej armiqve të saj. Po ashtu ne kemi bindjen se ai është në përputhje me ligjet tona."

Deri në vendimin e instancës më të lartë vendimi i gjykatës së Detroidit nuk ka fuqi ekzekutive. Gjithësesi ky vendim është një goditje e hidhur për presidentin Bush.

Opozita e përshëndeti vendimin e gjykatëses, sepse, sipas shkeljet e kushtetutës janë në dëm të popullit amerikan. Edhe pesë vjet akteve terroriste të 11 shtatorit nuk është gjetur ende një strategji efektive për luftimin e terrorizimit.

  • Data 18.08.2006
  • Autor Daniel Scheschkewitz
  • Shtypni Shtypeni faqen
  • Permalink https://p.dw.com/p/Aqol
  • Data 18.08.2006
  • Autor Daniel Scheschkewitz
  • Shtypni Shtypeni faqen
  • Permalink https://p.dw.com/p/Aqol