Gjermania nuk favorizon ndonjë obsion të statusit të Kosovës | FOKUS | DW | 09.11.2005
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

FOKUS

Gjermania nuk favorizon ndonjë obsion të statusit të Kosovës

Drejtori politik në Ministrinë e Punëve të Jashtme të Gjermanisë, Michael Schefer, i cili përfaqëson Gjermaninë në Grupin e Kontaktit është duke qëndruar në Prishtinë ku po takohet me udhëheqësit e institucioneve të Kosovës.

Angela Merkel në Kosovë

Angela Merkel në Kosovë

Qeveria gjermane tash për tash nuk favorizon asnjë obsion për Kosovën përderisa akoma nuk kanë filluar bisedimet në mes palës serbe dhe asaj shqiptare për përcaktimin e stausit të Kosovës. Mirëpo, zgjidhja më e mirë për Kosovën do të ishte ajo zgjidhje që garanton stabilitet në rajonin e ballkanit.

Kështu deklaroi në Prishtinë, drejtori politik në Ministrinë e Punëve të Jashtme të Gjermanisë, Michael Schefer, i cili përfaqëson Gjermaninë në Grupin e Kontaktit. Michael Schefer, po zhvillon biseda në Prishtinë, me udhëheqësit e institucioneve të Kosovës vetëm pak ditë pas emërimit të Marti Ahtisarit si kryenegociator ndërkombëtar në bisedimet për statusin. Ai fillimin e bisedimeve për statusin e cilëson një proces shumë të rëndësishëm ndërsa edhe më të rëndësishëm e cilëson mundësinë e arritjes së ndonjë marrëveshje në mës pales serbe dhe asaj shqiptare.

"Grupi i Kontaktit nuk favorizon ndonjë solucion të posaçëm. Ne e kemi bërë të qartë e mbështesim fuqishëm dhe qëndrojmë prapa kryenegociatorit ndërkombëtar, Marti Ahtisari. Ai do dëgjojë qëndrimet e të dy palëve dhe në linjën e këtyre qëndrimeve nga të dyja palët atëherë do të shofim se si do të vazhdohet", tha Michael Schefer. Ai tha se, procesi i zgjidhjes së statusit të Kosovës është shumë i komplikuar, mirëpo shpreson që kryenegociatori ndërkombëtar, Marti Ahtisari, do të gjejë ndonjë zgjidhje që do të pranohet nga të dyja palët.

"Në dëshirojmë të shohim nëse është e mundur që të arrihet ndonjë zgjidhje që del nga negociatat dhe kjo do të thotë se të dyja palët duhet të arrijnë compromise. Në këtë linjë Grupi i Kontaktit do të jetë i kënaqur dhe do të pranojë cdo zgjidhje që del nga marrëveshja dhe që pranohet nga qytetarët e Kosovës, e theksojë nga qytetarët e Kosovës, mirëpo këtu duhet nënkuptuar edhe popullatën pakicë në vecanti", tha Michale Schefer. Ai tha se Gjermania tash për tash, nuk favorizon ndonjë obsion të zgjidhjes së statusit. Opsioni më i mirë është ajo zgjidhje që garanton stabilitet në rajon.

  • Data 09.11.2005
  • Autor Bekim Shehu
  • Shtypni Shtypeni faqen
  • Permalink https://p.dw.com/p/Aqhr
  • Data 09.11.2005
  • Autor Bekim Shehu
  • Shtypni Shtypeni faqen
  • Permalink https://p.dw.com/p/Aqhr