1. Kalo tek përmbajtja
  2. Kalo tek lista qendrore e navigimit
  3. Kalo tek më shumë oferta të DW

Gjermani: Samiti i integrimit nën shenjën e Coronës

19 Tetor 2020

E ngarkuara e qeverisë gjermane për integrimin, Annette Widmann-Mauz shprehet e shqetësuar për ndikimin negativ të pandemisë së Coronës tek integrimi i migrantëve. Një samit për integrimin do duhet të ofrojë zgjidhje.

https://p.dw.com/p/3k7Y6
Deutschkurs für Asylbewerber
Fotografi: picture-alliance/dpa

"Ata punojnë shpesh në degë të ekonomisë, të cilave u duhet të luftojnë më shumë me pasojat ekonomike të pandemisë, si tregtia, logjistika apo hoteleria", u shpreh e ngarkuara e qeverisë gjermane për integrimin para fillimit të samitit të 12-të të integrimit të hënën (19.10.). "Në të njëjtën kohë janë pezulluar shumë oferta integrimi apo ato mund të gjenden vetëm të kufizuara."

Gratë në fokus

Widmann-Mauz kujtoi ofensivën digjitale, që është parashikuar në Planin Kombëtar të Aksionit për Integrim, i cili synon të mbështesë sidomos gratë përmes kurseve digjitale të integrimit, mësimit të gjuhës gjermane dhe konsultimit në rrjetet sociale në futjen në jetën e punë dhe integrimit në tregun e punës. Këtu bën pjesë edhe menaxhimi individual i integrimit në komuna. "Ne nuk duhet të humbasim kohë për integrimin, megjithë Coronën", tha ajo.

Germany | Berlin | Annette Widmann-Mauz | Beauftragte der Bundesregierung für Migration, Flüchtlinge und Integration
Annette Widmann-MauzFotografi: picture alliance/dpa/A. Hosbas

Këtë të hënë kancelarja Merkel konsultohet me rreth 40 shoqata migrantësh për efektet e pandemisë tek integrimi i migrantëve në Gjermani. Pjesëmarrësit "do të diskutojnë për mundësitë e forcimit të integrimiz edhe në kohë të Coronës, sepse shumë vetë me sfond imigrimi janë të prekur rëndë", bëri të ditur zëvendëszëdhënësja e qeverisë gjermane, Martina Fietz.

Zbatimi i Planit të Aksionit

Në samitin e integrimit do duhet të bëhet fjalë edhe për zbatimin e Planit të Aksionit për Integrimin, veçanërisht për fazën e parë të integrimit të migrantëve dhe atë të integrimit të mëvonshëm. Në grupe të posaçme pune do duhet të diskutohen masa konkrete për integrimin. Të ftuar në samitin digjital janë 130 përfaqësues nga federate, landet, komunat dhe shoqqëria e civile e shoqatat e migrantëve. Samiti i parë i integrimit në Gjermani u zhvillua në vitin 2006, pas një debati në Gjermani për dhunën në shkolla.

Deutschland Integrationsgipfel: Merkel beklagt Rassismus und Islamfeindlichkeit
Merkel dhe e ngarkuara për integrimin Widmann-Mauz(majtas) me kryetaren e rrjetit afrikan në Gjermani, Sylvie Natcha në konferencë shtypi pas samitit të integrimit në mars 2020Fotografi: AFP/J. MacDougall

la/haz/ml (afp, dpa)