Evropa te mbaje kursin - Berlini shpreh keqardhje per rezultatin e referendumit ne France | Politika | DW | 30.05.2005
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Politika

Evropa te mbaje kursin - Berlini shpreh keqardhje per rezultatin e referendumit ne France

Një goditje të rëndë ndaj kushtetutës, kështu e quajtën krerët e qeverisë gjermane rezultatin e referendumit të djeshëm në Francë

Francezet vouan te djelen kunder projektkushtetutes evropiane

Francezet vouan te djelen kunder projektkushtetutes evropiane

Qysh të djelën në mbrëmje kancelari gjerman, Gerhard Shrëder, zhvilloi një telefonatë me presidentin Zhak Shirak. Siç e kumtoi të hënën paradite në Berlin, zëdhënësi i qeverisë gjermane, Bela Anda, dy kreret e shtetit rane dakord se "...Evropa duhet ta mbajë kursin edhe në kohë të vështira dhe se procesi i integrimit do të duhet të vazhdojë." Anda më tej tha se tani "një sinjal shumë të rëndësishëm do të shënonte vota pozitive e holandezëve në referendumin e së mërkurës."

Ministri gjerman i punëve të jashtme Joshka Fisher (Partia e Gjelbër) tha se megjithëse kjo është një goditje e rëndë, shkaqet dhe pasojat e të cilës duhen analizuar me vëmendje.Procesi i ratifikimit duhet të vazhdojë. Në një deklaratë të posaëme të bërë para gazetarëve në Berlin ai tha: "Ky rezultat duhet respektuar, por njekohësisht eshte keqardhës dhe do ta vërë Evropën e zgjeruar përballë sfidave të mëdha." Fisher u shpreh kundër ripërpunimit të kontratës së kushtetutës. Ai shprehu bindjen, se Bashkimi Evropian nuk do të ketë kushteutë më të mirë. Ndër shkaqet e dështimit të referendumit ai numëroi mes të tjerash frikën ndaj globalizimit si edhe problemet sociale dhe ekonomike brenda Frances. Edhe kryetarja e Unionit Kristiandemokrat Angela Merkel shprehu keqardhjen per rezultatin e referendumit ne France.

  • Data 30.05.2005
  • Autor Anila Shuka, Berlin
  • Shtypni Shtypeni faqen
  • Permalink https://p.dw.com/p/Aqu2
  • Data 30.05.2005
  • Autor Anila Shuka, Berlin
  • Shtypni Shtypeni faqen
  • Permalink https://p.dw.com/p/Aqu2