Bajerni dhe Lioni përballë njëri-tjetrit
27 Prill 2010Ndeshja e parë në stadiumin e Mynihut përfundoi me rezultatin 1:0 në favor të mikpritësve të takimit.
Shanset për sot duken të mira. Për herë të parë qysh prej triumfit në vitin 2001, ekipi i Bajernit mund të arrijë përsëri në finale të Ligës së Kampionëve. Në ndeshjen e sotme mungojnë disa lojtarë si Franck Ribery për shkak të kartonit të kuq që mori në Mynih, Miroslav Klose dhe Anatolij Timotschtschuk që janë të sëmurë, dhe Danijel Pranjic për shkak të tre kartonave të verdhë.
Lojtari i kombëtares Bastian Schweinsteiger megjithatë nuk është i shqetësuar:
"Unë mendoj se dëshira tek ne është shumë e madhe. Ne kemi një shans të madh që duhet natyrisht edhe ta shfrytëzojmë. Unë besoj që është një motivimi shumë i madh dhe i fortë për ne". Edhe kryetari i Klubit të Bajernit, Karlheinz Rummenige është optimist që ekipi gjerman do të jetë në finalen e Ligës së Kampionëve më 22 maj në Madrid.
Autor: dpa/Mimoza Cika- Kelmendi
Redaktoi: Auron Dodi