Ankthi për fatin e Suzane Osthofit mori fund
19 Dhjetor 2005Dhe ndoshta ata do të mbeten në errrësisë, për të mbrojtur pengmarrësit që mbas tre javësh kthyen mendje. Por në këto momente të para nuk është e rëndësishme të zbulohen dorasit, apo motivet e tyre. Çfarëdo që të kenë qenë ato, për pengmarrje të tilla nuk ka asnjë lloj justifikimi.
Lirimi solli lehtësim për të dhe të gjithë ata që u angazhuan për lirimin e gruas humaniste. Por edhe për qeverinë gjermane, që për herë të parë iu desh të bënte përvoja, që për shembull francezët që gjithashtu ishin kundër luftës së Irakut i patën bërë që më parë. E tëra kjo vetëm sa tregon, se askush nuk është i mbrojtur nga terrorizmi dhe se është një karakteristikë themelore e terrorizmit, që të sillet verbërisht me të pafajshmit. Mjafton që të gjtihë të terrorizohen dhe që të pengojnë kështu normalizimin e të përditshmes.
Susanne Osthoff ishte një nga të paktët të huaj në Irak që nuk trembej para rreziqeve të tilla. Fanatizëm, e quajnë disa, të tjerë angazhim të thellë humanist. Ka shumë pak njerëz të këtij lloji. Nëse lëmë mënjanë ushatarakët, shumica e të huajve te tjerë që shkojnë në vendin mes dy lumenjve, janë ose përfitues ose aventurierë, që fillimisht kërkojnë përparësinë e tyre dhe për të cilët fati i irakenëve s’ka rëndësi fare.
Duhet të jemi krenarë për ata njerëz të paktë, si Suzane Osthof, që përpiqen të dalin nga ky rregull dhe me altruizmin e tyre angazhohen për njerëzit në Irak. Por me sa duket, jo të gjithë gjermanët janë të këtij mendimi. Sepse ndryshe nga pengmarrjet e francezëve dhe italianëve, ajo e Osthofit nuk u shoqërua me demonstrime masive për lirmin e pengmarrëses. Me sa duket më të rëndësishme ishin tregjet e krishtlindjeve. Edhe kjo ndoshta do të duhej të na bëhej mësim. Nuk mjafton të mohosh një luftë, por duhet të kujdesesh edhe për viktimat e saj, njëra prej tyre ishte Suzane Osthof, lirimi i saj le të na japë shkak të mendojmë. Sidomos tani, që është koha e krishtlindjeve.