1. Kalo tek përmbajtja
  2. Kalo tek lista qendrore e navigimit
  3. Kalo tek më shumë oferta të DW

A duhet të hyjë spinaqi në listën e dopingut të WADA-s?

25 Qershor 2019

Një substancë e përmbajtur në spinaq përshpejton rritjen e forcës në trajnim. Efekti është aq i fuqishëm sa që drejtoresha e studimit e WADA-s rekomandon që Ecdysteron të futet në listën e zezë.

https://p.dw.com/p/3L4QQ
Popeye mit Spinat
Fotografi: picture-alliance/Heritage-Images

Efekti Popeye (ose "grushti i hekurt") në sportet elitare: spinaqi të jep fuqi të jashtëzakonshme - dhe një substancë që përmban ai e ka vendin në listën e dopingut.

Këtë mendim e ka shprehur Maria Parr nga Instituti i Farmacisë i Universitetit të Lirë të Berlinit. Ajo drejtoi një studim, në të cilin u konstatua: substanca Ecdysteron sjell fuqi shumë të mëdha dhe një rritje të performancës - siç e tregon personazhi i filmit vizatimor.

Studimi u mbështet nga Agjencia Botërore Anti-Doping (WADA). Gjatë një trajnimi dhjetë javor të forcës, 46 atletëve iu dha ose një placebo ose substanca Ecdysteron. Rezultati: një rritje tre herë në fuqi krahasuar me grupin e atyre që morën placebo. Rezultate të ngjashme kishin dalë edhe në studimet e mëparshme në vende të tjera.

"Hipoteza jonë ishte se ne vërejmë një rritje të performancës, por nuk prisnim që ajo të ishte kaq e madhe", tha Parr në një intervistë me televizionet ARD dhe Arte.

Prandaj profesoresha rekomandoi që WADA të vendoste Ecdysteronin në listën e dopingut. Nëse kjo do të ndodhë, kjo do të vendoset nga një organ kompetent i ekspertëve të WADA-s. Në fillim, megjithatë, priten studime të mëtejshme për të konstatuar se sa i përhapur është përdorimi i Ecdysterone në sportet elitare.

stu/ar (sid, br.de)