1. Перейти к содержанию
  2. Перейти к главному меню
  3. К другим проектам DW

Чэшская амбасада абвяргае абвінавачанні Беларускага тэлебачання

20 февраля 2006 г.
https://p.dw.com/p/80yv

Амбасада Чэшскай Рэспублікі выступіла з заявай у сувязі з абвінавачаннямі з боку Беларускай тэлебачання. "Беларускае тэлебачанне ў праграме “У цэнтры ўвагі” 19 лютага распаўсюдзіла дэзінфармацыю, спрабуючы дыскрэдытаваць нашу краіну і Чэшскую амбасаду ў Беларусі", — сцьвярджаецца ў заяве. Буклеты, пра якія ішла гаворка па Беларускім тэлебачанні, не ёсць “нейкай дыверсіяй”. Гэта тэкст рэзалюцыі Арганізацыі Аб’яднаных Нацыяў па сітуацыі ў Беларусі, апублікаваны са згоды ААН і перакладзены на беларускую мову Міністэрствам замежных справаў Чэхіі. Любы, хто цікавіцца свабоднай і праўдзівай інфармацыяй, можа атрымаць буклет з рэзалюцыяй у амбасадзе Чэхіі ў Менску, адзначана ў заяве. Амбасада Чэхіі ў Беларусі падкрэслівае, што праводзіць усю дыпламатычную дзейнасць адкрыта і празрыста, у адпаведнасці з Венскімі пагадненнямі пра дыпламатычныя дачыненні”.