په کوټه کې ځانمرګي بريد سخته مرګ ژوبله اړولې ده
۱۴۰۱ آذر ۹, چهارشنبه
د پاکستان له حکومت سره د اوربند تر پای ته رسیدو سمدلاسه وروسته، پاکستاني طالبانو په کوټي ښار کې بريد وکړ. پاکستاني طالبانو رویترز خبري آژانس ته د یوه پیغام په لیږلو سره د دغه برید مسئولیت منلی دی چې پکې د پولیسو په خبره درې کسان مړه او ۲۸ نور ټپیان شوي دي.
د پاکستان پوځ: بلوڅ بېلتون غوښتونکو تښتول سوی پوځي افسر وواژه
د پولیسو یوه چارواکي عبدالحق رویترز خبري آژانس ته د پیښې په تړاو وویل: »یوې بمي چاودنې د پولیسو یوه ګزمه په نخښه کړه چې پکې د ۱۵ پولیسو په ګډون ۳۰ نور ټپیان شوي دي.« د نوموړي چارواکي په خبره په وژل شویو کې یو پولیس، یوه ښځه او یو ماشوم شامل دي.
د نوموړي چارواکي په خبره، یادې ګزمې د پولیو واکسین د یوه ټیم ملتیا کوله چې چاودنه ورباندې وشوه.
په پاکستان کې وخت ناوخت د پولیو یا ګوزڼ واکسین پر تطبیق کوونکو ټیمونو باندې خونړي بریدونه کیږي او له همدې امله پاکستاني پولیس د یادو ټیمونو امنیت نیسي.
د پاکستان په کوټه کې چاودنې نژدې لس کسانو ته مرګ ژوبله اړولې
په پاکستان کې د ګوزڼ یا پولیو واکسین په هکله ناسم باورونه د دې سبب کیږي چې ډېر خلک خپل ماشومان واکسین نه کړي. سربیره پر دې، په دغو سیمو کې د پولیو پر واکسیناتورانو باندې د جاسوسۍ ګومان هم کیږي.
خ.ح/ ن.ز