شخړي
په کابل کي درې بهرنيان تښتول سوي او وژل سوي دي
۱۳۹۷ مرداد ۱۱, پنجشنبه
اعلان
په کابل کي يوه لوی ديپلومات د پنجشنبې په ورځ ويلي دي چي دغو درو سرو کسانو د غذايي موادو په برخه کي د نړۍ له دوهم ستر شرکت «Sodexo» سره کار کاوه.
د کابل د پوليسو وياند حشمت ستانکزي رويترز خبري آژانس ته ويلي دي: «يو هندی، يو ماليزيايي او يو مقدونيايي تښتول سوي او وژل سوي دي. موږ د هغوی جسدونه موندلي دي.»
يوه افغان امنيتي چارواکي ويلي دي چي د وژل سوو کسانو له جسدونو سره يې د هغوی د هويت کارتونه موندلي دي او ياد شرکت ته يې د تائيد له پاره وړاندي کړي دي.
د غذايي موادو دغه شرکت تر اوسه پوري په دې اړه څه ويلي نه دي او نه هم د پيښي مسئوليت تر اوسه پوري کومي ډلي پر غاړه اخيستی دئ.