مسکو اوکراین ته له اشغالي سیمو د وتلو ضرب الاجل ټاکلی
۱۴۰۱ دی ۶, سهشنبه
د روسېې د بهرنیو چارو وزير، سرګي لاوروف، اوکراین ته دغه ضرب العجل د دوشنبې په ورځ (د ۲۰۲۲ کال د دسامبر ۲۶ نېټه) ناوخته ورکړ.
د روسېې د دولتی خبري آژانس تاس په حواله، لاروف وویل: «زموږ وړاندیزونه د رژیم تر کنټرول لاندې قلمرونو غیرپوځي کول او نه نازي توبول، له دغو سیمو څخه د روسېې امنيت ته د ګواښوونکو محوه کول، [البته] زموږ د نوو ځمکو په ګډون چې دښمن له پاره معلومې دي.»
پوتين: روسيه غواړي چې د اوکراين جګړه پای ته ورسيږي
هغه د وړانديزونه په اړه وویل: «خبره ساده ده: هغه خو په خپله خوښه ترسره کړئ. که نه، موضوع په اړه به روسي ځواکونه تصمیم نیسی.»
کیف وايي چې دوی به د اوکراین له خاورې څخه د ټولو روسي عسکرو تر ایستلو پورې جنګيږي.
د لاروف د دغو څرګندونو څخه یوه ورځ مخکې د روسيې ولسمشر، ولاديمیر پوتين ويلي وو چې د مسکو دروازې د خبرو اترو له پاره خلاصې دي.
زیلنسکي د روسيې له نورو بريدونو خبرداری ورکړ
کيف او غربي متحدینو ېې د خبرو اترو له پاره د پوتين وړاندیز په داسې حال کې رد کړی چې روسي ځواکونه پر اوکرايني ښارګوټو توغندي اورولي او په مکرره توګه له کیف څخه د دې غوښتنه هم کوي چې د اوکراین اشغالي سیمې چې د دغه هیواد پنځمه برخه تشکيلوي، په رسمیت وپيژني.
پوتين د روان میلادي کال د جنوري میاشتې په ۲۴مه پر اوکراین پوځي یرغل چې هغه ورته د «ځانګړي عملیات» نوم ورکوي، پيل کړ. پوتین وايي دغه اقدام څخه ېې موخه د اوکراین «غیرنازيِ او غیرپوځي کول» دی، کوم چې پر وینا ېې د روسېې له پاره یو ګواښ دی. خو کيف او متحدين ېې بیا وايي چې د پوتین یرغل یوازي د ځمکو یو امپريالیستي غصب دی.
اوکراين جګړه: چيري چي روسیه په ناڅاپي توګه پاته راغلې
مسکو د اوکراین د نیولو له پاره پراخ پوځي عملیات شروع کړل چې اوس دغه جګړه په خپله یوولسمه میاشت کې ده. د ډیرو تحليلگرانو له خوا مشخصه شوې چې روسي ځواکونو تر اوسه د جګړې په ډګر کې سختې ماتې زغملي او اوکرايني ځواکونه بیا توانیدلي چې له خپلو ډيرو ځمکو په کلکه دفاع وکړي.
په وروستي مورد کې د دوشنبې په ورځ، یوه ډرون الوتکه چې ګمان کيږي اوکرايني به وه، وتوانېده چې د روسېې په فضا کې څو سوه کيلومتره وړاندې ولاړه او هدف په نخښه کړي. دغې ډرون د روسېې په سراتوف سيمه کې د انګلس په نوم د جنګي الوتکو یوه مهمه پوځي اډه په نخښه. د سیمې والي وويل چې په دغه چاودنه کې د سېمې اوسیدونکو او ملکي زیربناو ته زیان نه دی رسېدلی، خو روسېې خبري آژانسونو وويل چې درې کسان وژل شوي دي.
کیف په امنیت شورأ کي د روسیې چوکۍ غیرمشروع بولي
روسي ځواکونه په اوکراین کې خپل بریدونه جاري ساتلي دي. د اوکراین په دونباس سيمه کې د اوکراین پوځ تر ټولو مهمې قوماندانۍ د دوشنبې په ورځ وويل چې روسي ځواکونو د تېرې ېوې ورځې په جریان کې ۱۹ بریدونه وکړل. د روسې دفاع وزارت هم وويل چې په دغه ورځ ېې په سیمه کې پرمختګونه درولودلي او ادعا ېې کړې چې په توغندویزو او توپخانه يي بریدونو کې ېې د اوکراین ۶۳ پوځي واحدونه ويشتلي دي.
آ/م.ک.ص./ا.ا.
پر ورته موضوع له آرشیف څخه یو انځوریز البوم: