محکمه: له جرمني څخه روغ افغانان اخراجیدلای سي

دعوه په محکمه کي اصلأ یوه افغان کړې وه، چي په ایران کي لوی سوی او د ۲۰۱۵م کال په مني کي جرمني ته راغلی وو. ده دعوه کړې وه، چي باید اخراج نه سي، ځکه چي په افغانستان کي خراب امنیتي او بشري حالت دی له فقر او بدبختۍ سره مخامخ کوي. د هغه په دلایلو کي دا هم راغلي ول، چي د غربي اروپا څخه د یوه اخراج سوي شخص په توگه هلته ورسره سم چلند نه کیږي او خپلوان هم نه لري.

خو په منهایم کي د باډ ویورتنبرگ ایالتي اداري محکمې د ده دا دلیل چي په کابل کي د فقر او بدبختۍ سره مخامخ کیږي، ونه مانه.

که څه هم محکمې اضافه کړه، چي هلته اخراج سوي کسان له سختو شرایطو سره مخامخ کیږي، خو دا معنی هم نه لري چي ټوله هغه افغانان چي د اروپا څخه اخراجیږي په کابل کي دي د دومره خراب حال سره مخامخ سي چي د اروپا د بشري حقوقو د کنوانسیون مطابق غیر انساني رفتار ورسره وسي او یا دي تحقیر سي.

زموږ د آرشیف څخه یو انځوریز البوم:( 14.01.2017)