ساينسپوهانو په سمندر کې شپږ نوي انواع موندلي دي

د «هوف» په نوم دغه چنګاښ چې سينه يې ډېر وېښته لري د انتارتيکا په تودو چينو کې موندل کيږي. دغه چنګاښ په تلويزيوني ستوري، ډيويډ هېسلهوف پسې د «هوف» چنګاښ نومول شوی دی.

دا يو نوی ډول حلزون يا شاپېټی دی چې د هند د سمندر لاندې د مرکزي ګړنګ د تودو چينو له انواعو سره توپير لري.

دغه ډول پلن چينجی د لونګچي د سمندر لاندې درز په اوږدو کې وموندل شو. هغه د پاسيفيک سمندر په ختيځ کې په تودو چينو کې هم ژوند کوي.

دا يو نوی ډول پخي لرونکی چينجی دی. هغه په داسې يوه ساحه کې وموندل شو چېرته چې په راتلونکي کې د اوبو لاندې کانونه جوړېدونکي دي.

دغه د باتيموديولوس ماريسينديکوس په نوم صدف د لونګچي په سيمه کې راټول شوی دی. يو ډول چينجی هم په دغه صدف کې دننه کيڼ لوري ته ليدل کيږي.

يو ډول سمندري بادرنګ چې په لونګچي کې موندل شوی دی. په ځينو آسيايي هېوادونو کې سمندري بارنګ محبوب خواړه هم ګڼل کيږي.

ښکار ته چمتو يو ډول نښلېدونکی ژوی چې په لونګچي سيمه کې موندل شوی دی.