د کابل او طالبانو تر منځ د منځګړتوب غوښتنه
۱۳۹۷ مهر ۱۰, سهشنبه
اعلان
اسوشتید پرس خبري آژانس په خپل رپوټ کې لیکلي دي چې مولانا سمیع الحق د خیبر پښتونخوا ایالت په اکوړه خټک کې د حقانيه مدرسې، چارې پر مخ وړي. په راپور کې راغلي دي چې د طالبانو ډیرو مشرانو هم په دغه مدرسه کې زده کړې کړي دي.
د سمیع الحق دار العلوم ویلي دي چې هغه له افغان ستازي سره د دوشنبې په شپه ملاقات کړي دي.
زیاته شوې ده چې سمیع الحق پلاوي ته ویلي دي چې هغه هم په افغانستان کې د جګړې ختمیدو ته هیله من دی.
د نوموړي خبري آژانس د رپوټ په حواله سمیع الحق د افغان او پاکستاني علماوو تر منځ د یوې پټې غونډې وړاندیز کړی دی چې په خبره یې «د امریکا متحده ایالاتو او پاکستان مداخله پکښې نه وي.»
د رپوټ له مخې په افغان پلاوي کې د ننګرهار د پخواني والي عطا الله لودین، په گډون د افغان حکومت د سولې کمیټې غړی قاسم حلیمي او نور کسان شامل دي.