ترکیه : دیوې لارۍ په چپه کیدو کي ۲۲ مهاجر وژل سوي دي
۱۳۹۷ مهر ۲۲, یکشنبه
اعلان
د ترکي خبري آژانس انادولو په حواله دغه لارۍ د اوښتو پر وخت یوه کښته رود ته ورلویدلې او د لارۍ څخه یې اوس یوازي څو ټوتې پاته دی. ژغورونکي عملې د ۲۲ کسانو د مړو جسدونه او ۱۳ نور زخمي کسان راایستلي دي. د همدغه آژانس په حواله هغوي ټول مهاجر ول، خو د هغوی هویت لا معلومه نه دی، چي د کومو هیوادونو څخه راغلي دي. دغه لارۍ د آیدین ښار څخه د ازمیر پرخوا روانه وه.
ترکیه یو د هغو هیوادونو له جملې څخه دی، چي ورته د منځني ختیځ د بحراني سیمو، اسیا، افریقا او هم افغانستان څخه ډیر مهاجر ورځي . د ترکیې د ازمیر ښار دآژه بحیرې له لاري هغوی د کوچنیو کښتیو پواسطه د یونان جزیرو ته ځانونه رسوي او د هغه ځایه بیا کوښښ کوي ، ځانونه اروپا ته ورسوي.
زموږ د آرشیف څخه یو انځوریز البوم:( 03.09.2018)