تروريزم
افغان چارواکي وايي چې د سړک غاړې چاودنې ولسوال وژلی دی
۱۳۹۷ تیر ۱۶, شنبه
اعلان
د غور د والي ویاند خطيبي د دې چاودنې پړه پر وسلوالو طالبانو واچوله، خو تر اوسه پورې په رسمي توګه کومې وسلوالې ډلې د دې چاودنې مسوولیت پر غاړه نه دی اخیستی.
په عین حال کې په غزني ولایت کې طالبانو د پولیسو یو کاروان تر برید لاندې نیولی چې په پایله کې یې څلور پولیس سرتیري وژل شوي او شپږ تنه نور ټپیان دي. د غزني د والي ویاند عارف نوري د شنبې په سهار د دې پیښې په هکله وویل چې د څلورو وژل شوو سرتیرو په ډله کې د پولیسو د ځانګړې قطعې قوماندان هم شامل دی.
نوري زیاته کړه چې د غزني په واغیز ولسوالۍ کې د پولیسو او وسلوالو یاغیانو په دې وسلواله نښته کې شپږ یاغیان وژل شوي او اوه تنه نور یې بیا ټپیان دي. تر اوسه پورې د دې برید مسوولیت هم کومې وسلوالې ډلې پر غاړه نه دی اخیستی.