آلمان د ۲۰۲۴م کال د اروپا جام د سیالیو کوربتوب ترلاسه کړ
۱۳۹۷ مهر ۵, پنجشنبه
د پنجشنبې په ورځ د اروپا د فوټبال جام د سیالیو تنظیم کوونکي سازمان یا «UEFA» د اروپا په کچه د دغو مهمو سیالیو د کوربتوب نهايي پریکړه د سویس په نیون ښار کې د دغه سازمان د مشر له لوري وشوه. د اروپا د فوټبال اتحاديې مشر الکسندر چیفیرین وویل چې د سیالیو د کوربتوب په برخه کې د رایې اچولو لړۍ شفافه او په ديموکراتیکه توګه ترسره شوه. نوموړي همدا راز زیاته کړه چې هره ديموکراتیکه پریکړه، سمه پریکړه وي.
د اروپا د فوټبال جام سیالیو د کوربتوب د حق د ورکړې تر نورو ډیر د آلمان د فوټبال فدراسیون خوشاله کړ. د آلمان د فوټبال د فدراسیون مشر راینارد ګریندل وویل: «غواړم له «UEFA» څخه د دوی د نه باور وړ د اعتماد له کبله مننه وکړم. زه د مسئولیت احساس کوم. موږ پوهیږو چې دغه تورنمنت څه معنی لري. موږ به د [خلکو] د هیلو د پوره کولو په برخه کې خپلې ټولې هڅې وکړو.»
په دې ترتیب سره، آلمان به له ۱۹۸۸م کال وروسته د لومړي ځل له پاره د اروپا د فوټبال جام د سیالیو کوربه وي.