مجیب الرحمن روغتون ته انتقال شوی دی
۱۳۹۹ آذر ۱۴, جمعه
د افغانستان د ملي لوبډلې وتلی لوبغاړی او په نړۍ کې د ورو توپ اچونې دوهم مقام لرونکی مجیب الرحمن په آسترالیا کې روغتون ته انتقال شوی دی.
د راپورونو پر اساس هغه په کرونا ویروس تر اخته کیدو وروسته د آسترالیا په کوینزلنډ روغتون کې تر درملنې لاندې دی.
مجیب الرحمن څو ورځي مخکي له یو شمیر نورو افغان لوبغاړو سره یو ځای، د استرالیا په سوداګریز لیګ کې د لوبیدو له پاره دغه هیواد ته تللی. وروسته له هغې چې په مجیب الرحمن کې د ناروغۍ ځینې نخښې ولیدل شوې، هغه د درملنې له پاره یاد روغتون ته انتقال شو.
د معلوماتو له مخې مجیب الرحمن به ښايي د کرونا له کبله، د بیګ باش لیګ په سیالیو کې په لومړیو دوو لوبو کې له ګډونه محروم شي.
د کوینزلنډ د کریکټ مشر ټیري سوینسون ویلي دي چې اوس اساسي موضوع د مجیب روغتیا ده. د هغه په خبره، هغه یو ځوان دی چې له کوره هم لیرې دی او موږ به دا ډاډه کړو چې د هغه سمه پالنه وشي.