اروپايي محکمه د افغان مهاجرو د پناه غوښتني موضوع څیړي | اروپا ته مهاجرت | DW | 11.02.2021
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
اعلان

اروپا ته مهاجرت

اروپايي محکمه د افغان مهاجرو د پناه غوښتني موضوع څیړي

په لوکزامبورګ کي اروپايي محکمه د پناه غوښتوني په اړه د آلمان د سیاست موضوع تر بحث لاندي نیسي. دلته خبره پر دې ده چي آیا د افغانستان له ننګرهار ولایت څخه راغلي مهاجر به په آلمان کي فرعي محافظت ولري او که څنګه.

د المان په مَن هایم کي، د بادن وورتیمبیرګ اداري محکمه باید په دې اړه پریکړه وکړي او له همدې امله یې له اروپايي محکمې څخه پوښتنه کړې ده چي کوم معیارونه باید په نظر کي ونیول سي.

مخکی له دې، په مَن هایم کي هغو دوو مهاجرو چي له ننګرهار ولایت څخه راغلي، دعوه کړې چي د پناه غوښتنه یې رد سوې ده. په ننګرهار ولایت کي که څه هم وسله والي شخړي سته، خو بیا هم د هغه ځای شرایط  دومره هم خطرناک نه ول چي تر اوسه پوري د هغه ځای څخه راغلو مهاجرو ته دي د فرعي محافظت ورکولو شرایط پوره کړي.

خو اروپايي محکمه په دې باور ده چي د هغه ځای ډیر شرایط ددې څرګندویه دي چي د ملکي کسانو له پاره د نه منلو وړ خطر رامنځته کولای سي.

د اروپايي محکمې لوی څارنوال اوس په دې اړه خپله وروستۍ عریضه وړاندي کړې ده.

د اروپايي ټولني د مقرراتو پر اساس هغه کسان له فرعی حفاظت څخه برخمن کیږي چي د هغو د پناه غوښتني په حق کي د ژنیو د کنوانسیون مقررات صدق نه کوي خو بیا هم خپل هیواد ته د ستنیدو په صورت کي له جدي خطر سره مخامخ کیږي.

g.p/n.z (AFP)