یوه کس په پاریس کې خپل خور او مور په جړې ووژل | آلمان او نړۍ | DW | 23.08.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
اعلان

آلمان او نړۍ

یوه کس په پاریس کې خپل خور او مور په جړې ووژل

د رپوټونو په حواله د پاریس په ټرپ سیمه کې یوه کس د چړې په واسطه خپل خور او مور ووژل او یو بل کس یې ټپي کړ. ځايي رسنیو رپوټ ورکړی چې بریدګر د پولیسو له لوري په ډزو وژل شوی.

یوه بریدګر د فرانسې د پلازمینې پاریس ښار جنوبه ته په ۳۰ کیلومترۍ کې پروت د ټرپ په سیمه کې د چړې برید کړی چې په پایله کې یې دوه تنه وژل شوي او یو بل کس سخت ټپي دي.

چارواکو ویلي دي چې وژل شوي کسان د برید کوونکي مور او خور ول. ټپي شوی کس یو لاروي وو. 

د رویترز خبري آژانس په حواله تر برید وروسته، بریدګر د پولیسو له لوري په ډزو وژل شوی. زیاته شوې ده چې دغه کس له ۲۰۰۶ کال راهیسې د پولیسو د څار په نوملړ کې شامل وو.

ځايي پولیسو د تویتر له لارې په یوه پیغام کې په دې موخه عملیات پای ته رسیدلي اعلان کړي دي.

د فرانسې د کورنیو چارو وزیر ویلي دي چې بریدګر «جدي رواني» ستونزې لرلې. هغه روښانه کړې ده چې اوس دغه پیښه ترهګریزه نه بلل کیږي. دا په داسې حال کې ده چې د اسلامي دولت ترهګرې ډلې د دغه برید پړه منلې ده. دې ډلې د خپلې ادعا د ثابتولو له پاره کوم سند نه دی وړاندې کړی.

اعلان