یوه نقاشي په نیویارک کې په ۱۱۰،۷ میلیونه ډالرو پلورل شوې | آلمان او نړۍ | DW | 15.05.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
اعلان

آلمان او نړۍ

یوه نقاشي په نیویارک کې په ۱۱۰،۷ میلیونه ډالرو پلورل شوې

د فرانسوي مشهوره هنرمند کلود مونیت، یوه نقاشي د نیویارک په یوه بولۍ کې په ډیره لوړه بیه پلورل شوې ده. د نقاشي پخوانیو مالکانو هغه په ۱۹۸۶م کال کې په ۲،۵۳ میلیونه ډالرو اخیستې وه.

د کلود مونیت د «هاېستکس» په نوم د نقاشیو له لړۍ څخه یوه یې چې «میولز» نومیږي، په ۱۱۰،۷ میلیونه ډالرو پلورل شوې ده.

هغه مرکز چې د نقاشي د بولۍ چارې یې پر مخ بیولې، ویلي دي چې دا د مونیت د یوې نقاشۍ له پاره تر ټولو لوړه بیه ده.

د مونیت د منظرو نقاشي ډیر زیات شهرت لري. دا لومړی ځل دی چې د دې نقاش یو اثر تر ۱۰۰ میلیونو ډالرو په لوړه بیه پلورل کیږي.

د بولۍ په لړ کې اوو پیریدونکو د اتو دقیقو له پاره یو له بل سره د نقاشي د رانیولو پر سر سیالي وکړه چې په پایله کې یې د نقاشي بیه ۱۱۰،۷ میلیونه ډالرو ته ورسیده.

یو نایابه اثر

دغه نقاشي په ۱۸۹۰م کال کې خلق شوې وه او د «هاېستکس» په نوم د نقاشیو له لړۍ څخه یوازې څلورم اثر دی چې په دې قرن کې پلورل کیږي. د دې لړۍ اته نقاشۍ خصوصي مالکان لري او نورې یې بیا په موزیمونو کې دي.

په دې ترتیب سره نو د «هاېستکس لړۍ» ۱۷ نقاشۍ د نړۍ په بیلابیلو موزیمونو کې نندارې ته وړاندې کیږي.

د نقاشیو په دې لړۍ کې مونیت د فرانسې په ګیورنې سیمه کې د خپلو ګاونډیو د غنمو د حاصلاتو خرمنونه انځور کړي دي. دغه اثرونه د نور د خپریدو د څرنګوالي د انځورولو او همداراز د «برداشتګرا خوځښت» په رامنځ ته کولو کې د خپل نقش له کبله ستایل کیږي.

(ms/nz (AP, dpa, Reuters

زموږ له ارشیف څخه 

DW.COM

اړوند مطالب

اعلان