یوه المانۍ مسلمانه په فرانسه کي نیول سوې ده | آلمان او نړۍ | DW | 09.10.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
اعلان

آلمان او نړۍ

یوه المانۍ مسلمانه په فرانسه کي نیول سوې ده

یوه ۳۱ کلنه آلمانۍ مسلمانه له دورتموند څخه پاریس ته پر لاري د ترهگرۍ په شک نیول سوې ده. دغه خبر د آلمان د دوسلدورف لوی څارنوالۍ هم تائید کړی دی.

دغه ښځه چي اصلاً په دورتموند کي اوسیږي او پر میړه باندي یې شک کیږي، چي له داعش سره مرسته کوي، نن چهارشنبه (د اکتوبر نهمه) نیول سوې ده. داچي اصلأ عیسوۍ وه، څه موده مخکي مسلمانه سوې وه.

د یوه الماني ټلویزوني چینل(SWR ) په حواله کله چي دغي ښځي غوښتل په پاریس کي د یوې ملگري سره وویني، د فرانسوي امنیتي مقاماتو له خوا د یوه بس څخه راکښته او بیا ونیول سوه.

دغه ښځه پخوا هم د آلمان امنیتي چارواکو پيژندله. پر دې باندي پخوا هم د ترهگري سازمانو سره د ملاتړ په خاطر تحقیقات روان ول. ځکه چي دې خپل میړه ته په محبس کي پیسې ورکولې. خو دا چي دې کار پر ترهگرۍ باندي دلالت نه کاوه، نو تحقیقات یې هم بند سول.

د دوسلدورف د لوی څارنوالۍ په حواله دا د یوې اسلامپالي په حیث هم نه وه درجه بندي سوې. د فرانسې امنیتي چارواکو هم تر اوسه پوري د دې د بندي کیدو دلیل نه دی ویلی.

DW.COM

اعلان