یوآخیم ګاوک، نن اسرائيلو ته رسمي سفر کوي | دويچه ويله پښتو | DW | 28.05.2012
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

دويچه ويله پښتو

یوآخیم ګاوک، نن اسرائيلو ته رسمي سفر کوي

د المان ولسمشر يوآخيم ګاوک نن اسرائيلو ته په يوه رسمي سفر ځي. دی به په خپل دغه څلور ورځني سفر کي د فلسطيني سيمو څخه هم ليدنه وکړي.

د اسرائيل ولسمشر شيمون پيرس، ګاوک ته د سفر دعوت ورکړی وو. د ګاوک سره به په دغه سفر کي د ده ماندينه دانيلا شاد، هم ملګرې وي او په تل آبيب کي به د نورو تر څنګ د هولوکاوست له يادګاري څلي څخه به ليدنه وکړي او همدارنګه به په مونشن کي د ۱۹۷۲ کال د اولمپيک د بريد څخه د ژوندي پاته سوو کسانو سره وګوري.

د المان د جمهوري رياست په حواله ويل کيږي چي ګاوک غواړي د اسرائيلو سره په سختو وختونو کي د همدردی اظهار وکړي،او همدارنګه د فلسطيني دولت پر جوړولو باندي ټينګار وکړي.