گڼ شمېر سياستوال د ترهگرۍ په وړاندې نوي قوانين غواړي | آلمان او نړۍ | DW | 09.07.2007
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

گڼ شمېر سياستوال د ترهگرۍ په وړاندې نوي قوانين غواړي

د آلمان د کورنيو چارو وزير ولفگانگ شويبله د هغو غوښتنو ملاتړي موندلي دي چې وايي د ترهگرۍ ضد مبارزې په برخه کې دې دولت نور گامونه اوچت کړي. ډېرۍ دغه کسان د آلمان مسيحي دموکرات گوند پورې اړه لري.

ځينې سياستوال غواړي چې د آلمان په اساسي قانون کې د ترهگرۍ په وړاندې نوي قانونونه تصويب کړي

ځينې سياستوال غواړي چې د آلمان په اساسي قانون کې د ترهگرۍ په وړاندې نوي قانونونه تصويب کړي

په دغه ډله کې د بېلابېلو ولايتونو لومړي وزيران، ښاغلي رونالد کوخ، پېتر ميولر او گيونتر اوتينگر راځي چې د خپل گوندي ملگري ملاتړ کوي. ويل کېږي چې په اساسي قانون کې د تغييراتو راوستل شايد لازم وي. ښاغلي کوخ په خپل ټلوالي، د آلمان پر سوسيال دموکرات گوند غږ وکړ چې خبرې اترې دې په دې لړ کې پيل کړي. سړی نه شي کولای چې نور له نړيوالې ترهگرۍ څخه سترگې پټې کړي. ښاغلي اوتينگر زياته کړه چې د آلمان د کورنيو چارو د وزير څرگندونې سمې دي او د آلمان په اساسي قانون کې د بدلونونو د راوستلو دپاره حاکم لوي ايتلاف لازم اکثريت هم لري.