کرزي د طالبانو سره د سولي د پلان ملاتړ وغوښت | افغانستان | DW | 20.07.2010
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

کرزي د طالبانو سره د سولي د پلان ملاتړ وغوښت

افغان ولسمشر حامد کرزي د کابل د نړيوال کنفرانس د برخه والو څخه وغوښتل چي دسولي د هغه پلان څخه دي ملاتړ وکړي چي له مخه يې مخالفين دې ته هڅول کيږي چي خپلي وسلې پر ځمکه کښېږدي.

ولسمشر حامد کرزی او هلري کلنټن په کابل کي د سودا پر مهال

ولسمشر حامد کرزی او هلري کلنټن په کابل کي د سودا پر مهال

کرزي زياته کړې زموږ د سولي مشورتي جرګې د سولي په برخه کي يو ملي تفاهم جوت کړی دی او بايد دغه پيغام هغو مخالفو وسله والو ته ورسوو چي زموږ اساسي قانون مني او د القاعده له تروريستي شبکې سره اړيکي شلوي.»

کرزي دغه راز د کنفرانس برخوالو ته زياته کړې چي نړيوال ملګري دي د سولي له دغو هڅو څخه ملاتړ وکړي، خو په دې اړه يې جزيات ورنه کړل چي حکومت به يې دغه پلان څنګه عملي کوي.

ټاکل سوې ده چي د اټکل له مخه ۳۶ زره طالب جنګيالي دې ته تشويق سي چي تر ۲۰۱۵ م کاله پوري خپلي وسلې پر ځمکه کښېږدي.

تقريبا ۷۸۴ مليونو ډالرو ته اړتيا ده تر څو دغه پنځه کلن پلان تمويل سي.

د امريکا د متحده ايالاتو د بهرنيو چارو وزيرې وويل چي د هغې هېواد به د افغانستان د حکومت له دغه پلان څخه ملاتړ وکړي.

نوموړې زياته کړه چي د سولي د ملي مشورتي جرګې را په دې خوا ډېر ښه پرختګونه سوي دي.

AG/ نسيم صابرکتونکی. زيارمل