پولیسو په کابل کې ځانمرګی بریدګر موخې ته تر رسیدو مخکې وژلی | افغانستان | DW | 07.05.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

پولیسو په کابل کې ځانمرګی بریدګر موخې ته تر رسیدو مخکې وژلی

چارواکو ویلي چې په کابل کې پولیسو یو ځانمرګی بریدګر موخې ته تر رسیدو مخکې په ډزو وژلی. د بریدګر هدف د کابل له ګڼه ګوڼې په ډکه سیمه کې د وینې د راټولولو یو مرکز وو.

د کابل د پولیسو ویاند حشمت ستانکزي، د دغې پیښې په هکله رسنیو ته وویل: «کله چې دغه کس د شهرنو سوداګریزې سیمې پارک ته د راتلو په حال کې وو، پولیسو ورباندې ډزې وکړې چې له امله یې د هغه له چاودیدونکو توکو ډک واسکټ وچاودید.»

پولیس وايي چې له بریدګر پرته په دې پیښه کې بل چاته زیان نه دی اوښتی او تر اوسه پورې کومې ډلې د دغه برید مسوولیت هم نه دی منلی.

دا په داسې حال کې ده چې په تیرو اونیو کې په پلازمینه کابل کې د چاودنو او ځانمرګو بریدونو په پایله کې د ۹ خبریالانو په ګډون په لسهاوو کسانو ته مرګ ژوبله اوښتې وه.

له هغې مودې راهیسې چې طالبانو د خپلو پسرلینو عملیاتو د پیل خبر ورکړی، د افغانستان په ټولو برخو په ځانګړې توګه په پلازمینه کابل کې بریدونو او چاودونو زور اخیستی.

په افغانستان کې جګړه معمولاً د هوا په ګرمیدو زور اخلي دا ځکه چې د ګرمۍ هوا له کبله په غرونو کې واوره ویلي کیږي او د حکومت ضد جنګیالي بیا په آسانی سره کولی چې د هیواد مختلفو سیمو ته تګ راتګ وکړي.

اعلان