په یونان کې یو ۱۷ کلن مهاجر وژل شوی | اروپا ته مهاجرت | DW | 05.05.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

اروپا ته مهاجرت

په یونان کې یو ۱۷ کلن مهاجر وژل شوی

رسنیو د شنبې په ورځ خبر ورکړ چې یو ولس کلن افغان مهاجر د یونان په ساحلي ښار پاتراس کې د مهاجرو تر منځ په نښتو کې وژل شوی دی.

په دې پیښه کې یو شمیر نور مهاجر ټپیان شوي هم دي. د یونان راډیو او نورو ځایي رسنیو د پولیسو په حواله ویلي دي چې مهاجرو یو پر بل باندې په تیږو، سیخانو او چړو ګوزارونه کړي دي.

د مهاجرو تر منځ نښتې د جمعې په ورځ پیل شوې او د شنبې ورځې تر سهار پورې یې دوام وکړ.

پاتراس په یونان کې یو له هغو سیمو څخه ده چې ډیر شمیر مهاجر ورته له بیلابیلو هیوادونو څخه رسیږي. دغه مهاجر په دې سیمه کې ډیر په دې تمه چې ځانونه ایټالیا ته ورسوي وخت تیروي.