په یمن کې ځانمرگي برید لږ تر لږه ۲۰ تنه وژلي دي | دويچه ويله پښتو | DW | 25.02.2012
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

دويچه ويله پښتو

په یمن کې ځانمرگي برید لږ تر لږه ۲۰ تنه وژلي دي

په يمن کې د نوي ولسمشر عبد ربه منصور هادي، د لوړي کولو څخه څو ساعته وروسته د ولسمشرۍ ماڼې ته څیرمه يو ځانمرگی بريد تر سره شوی دئ. په دغه بريد کې لږ تر لږه د ۲۰ تنو د وژل کېدو خبر ورکړل شوی دئ. د رپوټونو له مخې چاودیدونکي توکي په یوه موټر کې ځای پر ځای شوي ول. برید کوونکي غوښتل چې د چاودیدونکو توکو څخه ډک موټر سره د ولسمشرۍ ماڼې ته ورننوځي. کله چې امنیتي چارواکو د هغه د درولو هڅه وکړه نو هغه ځان وچاوه. دغه پیښه د یمن په سویلي ښار حضرموت، کې رامنځ ته شوې ده. په پیښه کې نور کسان ټپیان شوي هم دي.

د حضرموت په ښار کې د ابن سینا روغتون یوه تن چارواکي ویلي دي چې روغتون ته د ۲۰ انسانانو جسدونه راوړل شوي دي او د دې سربیره په لسگونو کسان ټپیان شوي هم دي. د القاعدې ترهگرې ډلې د برید پړه پر غاړه اخیستي ده.