په کلفورنیا کي بیا سخت اورونه لگیدلي دي | NRS-Import | DW | 12.10.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
اعلان

NRS-Import

په کلفورنیا کي بیا سخت اورونه لگیدلي دي

د سختو بادونو له کبله د امریکا د غربي ساحل د دغه ایالت په دوو ځنگلونو کي اورونه پراخیږي او له کنټرول څخه وځي. ودانیو اور اخیستئ، سړکونه بند سوي او په لسهاوو زرو کسانو کورونه پرې ایښي.

د کلفورنیا په جنوب کي په لسهاوو زره انسانان د سختي اورلگیدني په سبب د تیښتي په حال کي دي. د لاس انجلس د شمال غرب څخه ۴۰ کیلومتره لیري په یوه ځنگله کي دغه اور، د (سانتا-انا) په نامه باد یا شیطاني باد، چي ډیر وچ دی، هغه نور هم پراخوي. دغه اور چي د جمعې ورځي (د ۲۰۱۹ کال د اکتوبر ۱۱مه) په شپې بل سوی دی، تر ۱۰۰۰ اضافه د اطفایې کارکونکي کي یې د وژلو کوښښ کوي. د اور شاوخوا ته ډیري ودانۍ همدا اوس لا تخریب سوي دي.

یو بل اور بیا د لاس انجلس په شرق کي لگیدلی دی، چي د چارواکو په خبره د کثافاتو د یوې لارۍ څخه پيښ سوی دی. د هغوی په خبره دغه لارۍ چي اور یې اخیستی ؤ، د یوه سړک څنگ او ځنگله سره نژدې پریښول سوې وه. دلته هم تر ۲۰۰ اضافه د اطفایې کارکونکي کي د هغه د وژلو کوښښ کوي.

په لسهاوو زره کسان مجبوره دي، د خپلو کورونو څخه ووزي. د امریکا د هواپيژندلو اداره په راتلونکو ورځو کي د اور لگیدو د لا ډیر خطر څخه خبرداری ورکړی دی. دا ځکه چي په سیمه کي  دوامداري  گرمۍ هوا سخته وچه کړې او  شیطاني باد هغه نور هم پراخوي.

د تیر عیسوي کال، نومبر میاشتي مرگوني اورلگیدني ته په کتو سره چارواکو پر ۷۰۰۰۰۰ کورنیو او تأسیساتو باندي برق بند کړی، تر څو د انساني تلفاتو مخنیوی وسي. د تیرکال په اور لگیدنه کي ۸۵ انسانان وژل سوي وه، چي د امریکا په تاریخ کي یې سارئ نه درلود.

q.m./a.a. (afp, ap, rtr, dpa)

DW.COM