په کابل کې د امریکا سفارت ته نزدې چاودنه شوې | افغانستان | DW | 17.09.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
اعلان

افغانستان

په کابل کې د امریکا سفارت ته نزدې چاودنه شوې

یوه افغان چارواکي ویلي دي چې په پلازمېنه کابل کې د مسعود څلور لارې ته نزدې یوه چاودنه شوې ده. په دې ځای کې د امریکا سفارت هم پروت دی.

د کابل د پولیسو ویاند فردوس فرامرز، دغه پیښه تائید کړې ده خو د تلفاتو په اړه یې څه نه دي ویلي. د افغانستان په بیلابیلو برخو کې تاوتریخوالی په داسې حال کې ډیر شوی دی چې دغه هیواد د همدې میاشتې په پای کې د ولسمشرۍ ټاکنو له پاره چمتوالی نیسي.

لا تر اوسه پورې د کابل د چاودنه پړه کومې ډلې نه ده منلې.

تر دې مخکې په پروان ولایت کې هم یوه چاودنه شوې وه چې په پایله کې یې د ۲۴ کسانو د وژل کیدو خبر ورکړل شوی دی.

چاودنه په داسې حال کې شوې چې د ولسمشر غني په مشرتوب د دولت جوړوونکي تیم، په پروان ولایت کې یوه ټاکنیزه غونډه لرله.

په دې غونډه کې پخپله ولسمشر محمد اشرف غني هم حاضر وو، خو هغه ته زیان نه دی رسیدلی.

(ms/nz (ap, reuters

اعلان