«په هرات کې چاودنې پنځه ماشومان وژلي» | افغانستان | DW | 18.05.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
اعلان

افغانستان

«په هرات کې چاودنې پنځه ماشومان وژلي»

په هرات ولایت کې د یوه افغان چارواکي په وینا په یوه چاودنه کې پنځه ماشومان وژل شوي دي. چاودنه په یوه مارکیټ کې هغه وخت رامنځ ته شوې چې په موټرسایکل پورې تړل شويو چاودیدونکو موادو انفجار وکړ.

د آلمان خبري آژانس د هرات د ولایت مقام د ویاند جیلاني فرهاد، له قوله ویلي دي چې په پيښه کې نور ۲۰ تنه ټپیان شوي هم دي. دغه پيښه په اوبه ولسوالۍ کې رامنځ ته شوې ده.

د فرهاد په خبره د پيښې په هکله پلټنې روانې دي. په پيښه کې د اوبه ولسوال هم ټپي شوی دی.

په یوه بله پيښه کې په ننګرهار ولایت کې د درو ماشومانو په شمول پنځه ته ټپیان شوي دي. د یاد خبري آژانس په وینا د ننګرهار والي ویاند عطا الله خوږیاڼې ویلي دي چې پيښه په کامې ولسوالۍ کې هغه مهال رامنځ ته شوه چې یوه نامعلوم کس د پولیسو د پوستې پر لور لاسي بم وغورځاوه.

په افغانستان کې د ملګرو ملتونو مرستندویه پلاوي دفتر یا یوناما د رپوټ له مخې د روان میلادي کال په لومړیو درو میاشتو کې چاودیدونکو توکو ۵۳ ملکیان وژلي دي او ۲۶۹ نور یې ټپیان کړي دي. دغه څه د تیر میلادي کال د همدې مودې په پرتله ۲۱ سلنه زیاتوالی ښيې. خو په دغه شمیر کې د ځانمرګي بریدونو قربانیان شامل نه دي.

sr/qs (dpa)

اعلان