په جنوبي کوریا کې ژمنۍ المپیک سیالۍ پیل شوې | آلمان او نړۍ | DW | 09.02.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

په جنوبي کوریا کې ژمنۍ المپیک سیالۍ پیل شوې

په جنوبي کوریا کې ژمنۍ المپیک سیالۍ په رسمي توګه د یو لړ ځانګړو مراسمو په ترڅ کې پرانیستل شوې. په دې سیالیو کې له ۹۲ هیوادونو څخه شاوخوا ۳۰۰۰ لوبغاړي ګډون کوي.

په جنوبي کوریا کې نن ژمنۍ المپیک سیالۍ په رسمي توګه د یو لړ ځانګړو مراسمو په ترڅ کې پرانیستل شوې. په دې سیالیو کې له ۹۲ هیوادونو څخه شاوخوا ۳۰۰۰ لوبغاړي ګډون کوي.

د ژمنۍ المپیک سیالیو د پرانیستنې ځانګړي مراسم د جنوبي کوریا په پیونګ ژنګ ښار کې ترسره شول. د مراسمو په ترڅ کې د انګلیسي تورو په ترتیب د هر هیواد لوبډلې میدان ته راووتې. دا به داسې حال کې ده چې په دې سیالیو کې افغانستان ونډه نه لري.

 د دې له امله چې جنوبي کوریا د دې لوبو کوربتوب کوي، د دې هیواد لوبډلې تر ټولو وروسته میدان ته راووته. د پرانیستنې ځانګړې شیبه هغه وخت وو چې د شمالي او جنوبي کوریا لوبغاړي د کوریا د یوځای والي تر یوه بیرغ لاندې میدان ته داخل شوې.

هغه لوبغالی چې لوبې په کې پرانیستل شوې د ۳۵ زره کسانو ظرفیت لري چې پرې نږدې ۶۴ میلیونه ډالر مصرف شوی دی. 

د ژمنیو المپیک په دې سیالیو کې به ټولټال په ۱۵ برخو کې ۱۰۲ لوبې ترسره شي. په دې ترتیب دا د ژمني المپیک سیالیو ۲۳مه دوره ده چې کوربتوب یې د جنوبي کوریا پر غاړه دی.

 

اعلان