په جلال اباد کې د پولیو درې کارمندانې وژل شوي دي | افغانستان | DW | 30.03.2021
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
اعلان

افغانستان

په جلال اباد کې د پولیو درې کارمندانې وژل شوي دي

حکومتي سرچینې وايي چې نامعلومه وسله والو په جلال اباد ښار کې درې واکسیناتورانې په دوو جلا بريدونو کې وژلي دي. د پيښي مسؤليت تر اوسه پوري کومي ډلي پرغاړه نه دی اخيستی.

Solarzelle Sonnenenergie Solarkollektor Afghanistan Polio Impfung Kind Kinder

آرشیف انځور

یوې معتبرې حکومتي سرچینې د نوم نه خپرولو په شرط دویچه ويله ته وویل، دغه واکسیناتورانې نن سهار (۲۰۲۱م کال د مارچ ۳۰مه) په دوو جلا پېښو کې د واکسيناسيون د تطبيق پرمهال وژل شوي دي.

سرچینې زیاته کړې ده چې دوې واکسیناتوراني د جلال اباد ښار په اومه ناحيه کې د لعل قاسم اغا سیمه کې او یوه بله د څلورمي ناحیې مجبوراباد سیمه کې وژل شوې ده.

ويديو وګورئ 02:53

په افغانستان کې یوه بله خبریاله هم ووژل شوه

د عامې روغتیا ریاست چارواکو تر اوسه په دې اړه څه نه دي ویلي.

دا واکسیناتورانې داسې حال کې وژل شوي چې تېره ورځ د هيواد په ۳۲ ولایتونو کې د پولیو کمپاین پیل شوی دی.

عامې روغتیا وزارت ویلي دي چې په دوو ولایتونو کې د ناامنۍ له امله د پولیو کمپاین نه دی پیل شوی.

په تېرو شاوخوا څلورو میاشتو کې په ننګرهار کې اته مېرمنې وژل شوي دي.

په وژل شویو کې څلور يې د رسنۍ کارکوونکې او څلور روغتیاپالانې دي.

د رواني مياشتي په سر کي د خصوصي تلويزيون انعکاس درې کارمنداني په جلال اباد ښار کي ووژل شوې چې مسؤليت يې ترهگري ډلي داعش پرغاړه واخيست.

افغان حکومت په دغه هيواد کې د ډېرو هدفي وژنو پړه پر وسله والو طالبانو اچوي، خو وسله وال طالبان د حکومت دغه ادعاوي ردوي.

DW.COM

اعلان