په بحرين کي يوه فعاله په درې کاله بند محکومه سوه | آلمان او نړۍ | DW | 05.12.2014
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

په بحرين کي يوه فعاله په درې کاله بند محکومه سوه

د بحرين يوه وبلاگ ليکونکې زينب الخواجه، چي په دغه هيواد کي د دموکراسۍ يوه فعاله ده د پاچا د عکس په څيري کولو سره په درو کالو بند محکومه سوې ده. هغه د يوه سياسي بندي لور ده.

د بحرين د پاچهي حکومت ټول هغه کسان چي د دوی پرضد وي له مخه ليري کوي. د دغه هيواد يوې محکمې اوس د ديموکراسۍ يوه فعاله او مشهوره وبلاگ ليکونکې زينب الخواجه د پاچا د عکس د څيرلو په خاطر په درې کاله بند محکومه کړې ده.

هغه دغه راز پاچا ته د توهين په خاطر ۶۵۰۰ يورو نقدي جريمه سوې هم ده. د بخښني نړيوال سازمان د بحرين د محکمې پر دغه حکم باندي اعتراض کړی دی.

دغه سازمان پر مېرمن الخواجه، باندي د ټولو صادر سوو احکامو د لغوه کولو غوښتنه کړې ده. د بخښني نړيوال سازمان دغه راز ويلي دي که پر الخواجه باندي حکم پلي سي دا به د بحرين د «سياسي بنديانو» په برخه کي وشمېرل سي.

د بشري حقونو د مدافعانو په خبره، پر دغي فعالي باندي چي څو اوونۍ دمخه مور سوې ده، د پوليسو و يو مامور ته د توهين په تور به هم محاکمه سي.

زينب الخواجه، د بحرين د اپوزيسيون د يوه مشهور سياسي بندي عبدالهادي الخواجه لور ده. عبدالهادي الخواجه په بحرين کي په عمري بند محکوم سوی دئ.

تيره مياشت د عبدالهادي مشره لور مريم الخواجه پر يوې ښځينه پوليسي باندي د حملې په تور په يوه کال بند محکومه سوه.

زينب او پلار ئې عبدالهادي الخواجه په ۲۰۱۱م کال کي د عربي پسرلي په مهال په بحرين کي د سياسي اصلاحاتو غوښتونکي سوي ول. دوی د بحرين د حکومت پرضد په اعتراضونو کي ونډه لرله.

اعلان