په ایران کی زلزلې لږ تر لږه پنځه تنه وژلي | سيمه | DW | 08.11.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
اعلان

سيمه

په ایران کی زلزلې لږ تر لږه پنځه تنه وژلي

د ایران په شمال لویدیځ کي یوې زلزلې چي شدت یی د ریشتر په مقیاس ۵،۹ وو لږ ترلږه پنځه تنه وژلي او تر ۳۱۰ ډیر نور کسان یې ټپیان کړي دي.

دغه خبر د ایران دولتي رسنیو د چارواکو په حواله ورکړی دی. هغوی د نورو قربانیانو انتظار هم کوي. د امریکا متحده ایالاتو د زلزلو د معلومولو د مرکز په حواله دغه زلزله د جمعې په سهار وختي د هشت رود له ښار څخه چی د ارمنستان او آذرباییجان سره په سرحد کي پروت دی ۵۰ کیلومتره لیري شمال ختیځي خواته رامنځته سوه.

د ایرنا خبري آژانس په حواله دغه زلزله د ایران په لویدیځ آذرباییجان، گیلان، اردبیل او زنجان ایالتونو کي هم احساسه سوې.

د ایران د کورنیو چارو وزارت د ژغورونې ډیر ټیمونه زیانمنې سوې سیمې ته استولي دي. د ایران په شمال لویدیځ او د ترکیی په ختیځ کي تل زلزلې رامنځته کیږي.

G.P/M.J/dpa

اعلان