په افغانستان کې ۷۵ په سلو کې بهرني زندانيان له پاکستان څخه دي | افغانستان | DW | 06.08.2010
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

په افغانستان کې ۷۵ په سلو کې بهرني زندانيان له پاکستان څخه دي

د امريکې د متحده آيالتونو يو لوړپوړي صاحب منصب د بنج شنبې په ورځ ويلي دي چې په افغاني زندانونو کې پراته بهرني بنديان ښايي چې په راتلونکي کې هم د متحده آيالتونو تر څارنې لاندې پاته شي.

نيول شوي طالبان په کندوز کې

نيول شوي طالبان په کندوز کې

دا په داسې حال کې ده چې په راتلونکي کال کې د زندانونو په سر صلاحيت کابل ته سپارل کيږي. امير البحر رابرت هاروارد، چې په افغانستان کې د مخالفينو د نيولو د عملياتو مشري کوي، ټکي په ټکي همداسې وويل:

«که زموږ خوښه وای، نه به مو کولای. خو زه يې امکان نه ردوم. که د افغانستان حکومت راڅخه هيله وکړي، نو دوام به ورکړو.»

هاروارد زياته کړه چې بهرني بنديان په افغانستان کې «تر پنځوس فيصدو» لږ دي او د افغانستان په محبسونو کې شپې تېروي. دا په داسې حال کې ده چې د هاروارد په وينا د بهرنيو زندانيانو له جملې څخه «اووه پنځوس په سلو کې» بنديان له پاکستان څخه راځي.

هارواد دا هم ويل چې د دوی هڅه دا ده چې بنديان بېرته خپلو هېوادونو ته ولېږي، که نه نو د افغانستان محکمو ته سپارل کيږي. تر دې دمه اووه تنه بهرني زندانيان په افغانستان کې محاکمه شوي دي.

ليکونکی: AFP/نسيم صابر

کتونکی: عبدالباري حکيم

اړوند مطالب