په افغانستان کې یو امریکایي او یو شمیر افغان پوځیان ووژل شول | افغانستان | DW | 01.05.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

په افغانستان کې یو امریکایي او یو شمیر افغان پوځیان ووژل شول

امریکايي ځواکونو ویلي دي چې یو سرتیری یې د دوشنبې په ورځ د افغانستان په ختیځ کې وژل شوی دی. په پیښه کې یو شمیر افغان امنیتي ځواکونو ته هم مرګ ژوبله اوښتې ده.

په افغانستان کې د میشتو امریکایي ځواکونو له خوا په یوه خپره شوې بیانیه کې راغلي دي چې په پیښه کې یو بل ټپي شوی امریکایي سرتیری اوس په بګرام پوځي اډه کې تر درملنې لاندې دی.

تر اوسه پوري لا روښانه نه ده چې په دې پيښه کې څومره افغان ځواکونو ته مرګ ژوبله اوښتې ده. د افغانستان د دفاع وزارت په دې اړه له خبري آژانسونو سره د معلوماتو له شریکولو څخه ډډه کړې ده.

په خبره شوې اعلامیه کې همداراز د وژل شوي امریکایي عسکر هویت هم روښانه شوی نه دی. په افغانستان کې د ناټو ځواکونو مشر جنرال جان نیکولسن، ویلي دي: «په جګړې کې د هغوی او د زړورو افغان ملګرو بهادري به په زړونو او تاریخ کې تل پاتې وي.»

که څه هم ناټو د ۲۰۱۴م کال په پای کې په افغانستان کې جنګي ماموریت پای ته ورساوه، خو بیا هم امریکایي ځواکونه هلته د طالبانو او داعش ترهګري ډلې پر ضد د ترهګرۍ ضد عملیات کوي.

اعلان