په آلمان کي بریښنا تر بل هر وخت گرانه سوې | آلمان او نړۍ | DW | 22.09.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
اعلان

آلمان او نړۍ

په آلمان کي بریښنا تر بل هر وخت گرانه سوې

کله چي د هستيي بټیو او یا د ډبرو د سکرو په مرسته نور د اقلیم ساتني په خاطر انرژي نه تولیدیږي او باید نوې کیدونکې انرژي تقویه سي، نو دغه پریکړه خپل قیمت هم لري. له همدې کبله په آلمان کې د بریښنا بیه لوړه سوې.

په آلمان کي د کورونو د بریښنا بیه خپل اوج ته رسیدلې ده او یو کیلوواټ په اوسط ډول تر ۳۰ سنته هم اضافه سوې دې. دا که څه هم د تیر کال عین وخت په مقایسه یو سنت ډیر دی خو کله چي یوه کورنۍ په کال کې په زرونو کیلوواټه بریښنا مصرفوي، بیا نو ورباندي ډیري پیسې راځي.

د گاز بیه هم لوړه سوې

له ۲۰۱۴م کال راهیسې د لومړي ځل له پاره گاز هم گران سوی دی. هغه په متوسط ډول ۴،۵ سنته لوړ سوی او ۶،۳۴ سنتو ته یې بیه رسیدلې ده.

د جاپان د فوکوشیما اټومي فاجعې په نتیجه کي د آلمان دولت پریکړه وکړه چې نور به د هسته يي انرژۍ څخه استفاده نه کوي او په راتلونکو دوو کلونو کي به ورڅخه راکښته کيږي. پر دې سربیره اقلیم ته د ډبرو سکرو د تاوان له کبله هم باید له دې طریقه تولیدیدونکي انرژي څخه هم کار اخیستنه کمه شي. کارپوهان وایي چي دغه اقدامات د بریښنا د بیې د لوړیدو لامل ګرځیدلي دي.

(qn/ms (dpa

DW.COM

اعلان