پرو ازول: هغه مهاجر چې په آلمان کې کورنۍ لري له بلاروس دې راوستل شي | آلمان او نړۍ | DW | 19.12.2021

د دویچه ویله نوې پاڼه وګورئ

د dw.com بیټا بڼه تر اوسه پورې بشپړه شوې نه ده. ستاسې نظر د دې پاڼي په لا ښه جوړولو کې مرسته کولی شي.

  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
اعلان

آلمان او نړۍ

پرو ازول: هغه مهاجر چې په آلمان کې کورنۍ لري له بلاروس دې راوستل شي

«پرو ازول» او د نیدرزاکسن ایالت د پناه غوښتونکو شورا حفاظت ته د اړمنو کسانو له پاره د بلاروس شرایط د نه زغملو وړ بولي. دغو بنسټونو په عاجل ډول د هغو کسانو د منلو غوښتنه کړې چې د بلاروس او پولنډ په سرحد کې بند پاتې دي.

په آلمان کې د پناه غوښتونکو د ملاتړ سازمان «پرو ازول» او د نیدرزاکسن ایالت د پناه غوښتونکو شورا د شنبې (د دسمبر میاشتې ۱۸ نیټه) په ورځ وویل چې دوی په آلمان کې د مرستې له پاره د هغو ناهیلې کسانو ډير شمیر تماسونه ترلاسه کړي دي چې د کورنۍ غړي یي په بلاروس یا سپينې روسیې کې بند پاتې دي.

پرو ازول ویلي دي چې نور نو دغو پناه غوښتونکو ته د نړیوالو مرسته رسوونکو سازمانونو، فعالانو او خبریالانو لاسرسی امکان نه لري. دوی په دې باور دي چې د یوه انساني ناورین د مخنیوي او د پناه غوښتونکو د ژوند ژغورنې له پاره یوې عاجلې پریکړې ته اړتیا ده.

دغه سازمان غواړي چې تر کریسمس مخکې باید یوه عاجله سیاسي حل لاره ولټول شي. د پرو ازول مشر ګونتر بورکهارت وویل: «مونږ تمه لرو چې صدراعظم اولاف شولڅ باید د اروپایي اتحادیي په بهرنیو پولو کې د قانون د حاکمیت تر پښو لاندې کیدلو پر وړاندې د تحمل او خاموشه پاتې کیدو سیاست ته د پای ټکې کیږدي.»

بورکهارت زیاتوي چې د آلمان نوی ائتلاف ژمن دی چې په داخل او خارج کې به د خپلو ارزښتونو او قانون د حاکمیت ساتنه کوي او دا کار باید سمدلاسه عملي شي.

د نیدرزاکسن د پناه غوښتونکو له شورا څخه ایګون هیرش وایي: «اروپایي قوانین پخپلو سرحدونو کې د ماتې سره مخامخ کیدو په حال کې دي. د درک وړ نه ده چې اروپا ولی اجازه ورکوي چې خلک دې د ولږې او یخ وهل کیدو له کبله مړه شي، د دې پرځای چې هغوې ومني. که آلمان د پناه غوښتونکو له منلو سره موافقه وکړي هغه د فشار آله چې الکساندر لوکاشینکو یي په لاس کې لري، له کاره لویږي.»

بورکهارت د ټولو هغو کسانو په مقابل کې چې د حفاظت په لټه کې دي او له آلمان سره خاص اړیکې لري، ځانګړی مسئولیت ویني. هغه وویل: «تر اوسه پورې اصلاً په سیاست کې دې نظر ته پاملرنه نه ده شوې.»

د دغو دوو سازمانونو په وینا اروپایي اتحادیه په دې وروستیو اونیو کې په خپلو سرحدونو کې د بشري حقونو د ملاتړ له پاره هیڅ اقدام نه دی کړی. د دغو دواړو بنسټونو په ګډه اعلامیه کې راغلي دي: «د بلاروس حکومت هغه کسان چې د حفاظت په لټه کې دي، د هغو له ډلې څخه کورنۍ د هغو له ماشومانو او سپین ږیرو سره، د پولنډ سرحد ته وړي دي او هغوې یي سرحدي سیمې ته نږدې ځنګل کې په سړه هوا کې تر شنه آسمان لاندې یوازې پریښې دي. البته د یو شمیر پناه غوښتونکو له پاره د بلاروس حکومت د دغه چلند پایلې وژونکي دي.»

ګونتر بورکهارت، شکایت کوي او وایي چې د سپينې روسیې سرحد ساتونکي هغه کسان چې د حفاظت په لټه کې دي د پولنډ د سرحد پر لور یي ټیل وهي، چیرې چې په خپل نوبت سره د پولنډي پوله ساتلو له خوا پر شا تمبول کیږي چې دا „د پينګ پانګ یوه غیر انساني لوبه" ده.

آژانسونه: ش.ن/ ن.ص